Në grup ka pasur një debat shumë të hapur dhe të sinqertë rreth të ardhmes së grupit parlamentar të Foltores.
Tritani kërkoi me përgjërim të gjendet një zgjidhje, se “mbetëm rrugëve”.
Doktori ja ktheu se “jemi më keq se më 97”.
Ndërkohë Muli u kujtua që më 97, Tritani ishte kundër Doktorit, por nuk bëri zë.
Por ai që i vuri në provë ishte Bujar Leskaj, që kërkoi grevë urie si Pjetër Arbnori.
-Cila grevë, tha Muli, se bëri dy here?
Një me Ylli Vejsiun dhe Azemin, një vetëm.
-Atë vetëm, tha Bujari, se aty nuk hante.
-Kështu i bie ta bëjë vetëm njëri, tha Muli.
Albana doli pro e para.
-Kjo do të humbasë kilet që ka marrë nga behari, tha Muli, se nuk e di që aty hahet.
-Unë në rregull jam me kilet, tha Alizoti, të shikojmë ndonjë formë tjetër.
Muli kërkoi mendim nga Doktori për ndonjë zgjidhje tjetër.
-E kemi një zgjidhje, tha Doktori.
Në grup u vendos një heshtje solemne.
Të gjithë drejtuan sytë nga ai.
-Kjo zgjidhje është e vetmja që na jep shpresë tek përmbysja e madhe, vazhdoi Doktori.
Muli zgurdulloi sytë dhe po e përpinte.
-Tu çojmë një letër të huajve, tha Doktori.
-Letër? Po sikur të mos na kthejnë përgjigje, tha Muli?
-Atëherë është përgjegjësi e tyre, tha Doktori, nuk është e jona.
Ne duhet t’iu bëjmë letër.
Dhe kur më ndodhi problemi me SHBA, i bëra letër një gjyqtari në Francë.
Ende nuk ka kthyer përgjigje, ama është përgjegjësi e tij dhe e Francës. Unë e kam bërë timen.
Dhe tani duhet të bëjmë detyrën tonë. T’iu bëjmë një letër.
-Puna nuk është po nuk na kthyen përgjigje, tha Lelo.
Ajo nuk është keq. Po sikur të na kthejnë përgjigje, të na thonë shumë mirë ua ka bërë qeveria, çfarë të bëjmë?