Vëllai i Monika Kryemadhit, Drini Kryemadhi, ka marrë 350 mijë USD tek SGS-ja në formë pagash. Edhe pse është punësuar si inxhinier mekanik, ka marrë pagë më të lartë se sa CEO i SGS, si dhe 30 mijë USD shpërblim në fund. (Shih dokumentin).
Një pjesë të parave ia ka dhënë Monika Kryemadhit dhe LSI-së në formë donacioni. (Shih dokumentin).
Ministria e Transporteve që kontrollohej nga Meta përmes Haxhinastos, ka favorizuar SGS duke mos i kërkuar llogari për zbatimin e kontratës për investimet. Ky është korrupsioni.
Një skenar i jashtëzakonshëm vjedhjeje e parave të qytetarëve, për të mbajtur në këmbë financat e LSI-së, por edhe për të krijuar biznese të tjera të dyshimta, që sërish duket se janë përdorur në historinë zinxhir të korrupsionit të ideuar nga Meta.
Gjithçka nis me bekimin që Ilir Meta i jep koncesionit abuziv për kolaudimin e automjeteve SGS, i cili pas vitit 2013 drejtonte de facto Ministrinë e Transporteve përmes Edmond Haxhinastos. Pagesat për vëllain e Monikës duken si një taksë që kompania ka paguar në këmbim të heshtjes së Metës për moszbatimin e kontratës, në kurriz të interesit publik. Kujtojmë këtu se gjatë periudhës 10-vjeçare të operimit të SGS në Shqipëri, Ilir Meta ka kontrolluar për 7 vjet Ministrinë e Transporteve dhe drejtorinë e patentave dhe targave përmes Edmond Haxhinastos dhe Ylli Spahiut.
Në 21 nëntor të vitit 2013, çifti Meta-Kryemadhi çojnë Drini Kryemadhin të punojë si mekanik te koncesionari i kolaudimit të makinave SGS, me një pagë rreth 4.000 USD në muaj. Një rrogë anormale për një mekanik, pasi ishte më e lartë sesa paga që merrte Drejtori i Përgjithshëm i SGS dhe rreth 4 herë më e lartë sesa mekanikët e tjerë, që kishin të njëjtin pozicion si vëllai i Monika Kryemadhit.
Pas këtij punësimi, deri në vitin 2020 mes anëtarëve të familjes Kryemadhi kanë nisur të qarkullojnë shuma të mëdha parash të dyshimta, çka nuk janë sqaruar asnjëherë. Gjatë këtyre viteve, në skenë shfaqet edhe një kompani ndërtimi me emër “Tirana DKK”, e cila kalon herë në pronësi të Drini Kryemadhit, e herë në emër të vjehrrit të tij, Nuri Peti, i cili dyshohet për një raport interesash financiare me SGS.
Në vitin 2014, mamaja e Monika Kryemadhit, Fatime Kryemadhi kalon në llogarinë bankare të vajzës 13 milionë lekë, pa specifikuar burimin e këtyre parave.
në 25 korrik 2022, SPAK ka regjistruar procedimin penal nr. 137, për shpërodrim detyre, korrupsion dhe pastrim parash me kallzimin e bërë nga gazetari Adriatik Doci.
“Në përgjigje të kërkesës suaj për informacion nga Prokuroria e Posaçme, informojmë si vijon: Mbi bazën e kallëzimit të shtetasit Adriatik Doçi, kundër shtetasve Ilir Meta, Monika Kryemadhi, Drini Kryemadhi dhe Nuri Peti, me datë 25.07.2022, Prokuroria e Posaçme ka regjistruar procedimin penal Nr.137, për veprat penale të parashikuara nga nenet 248, 259 dhe 287, të Kodit Penal”, thuhet në përgjigjen e SPAK.
Por sot SPAKU që nxitonte t’i hiqte mandatin Alqi Bllakos se kishte punësuar babain te inceneratrët e Fierit në një subjekt privat ku u dënua me 2.4 vjet heqje lirie e ka haruar dosjen e Drinit të Monikës nëpër hangarët e Bulqizës , Klosit apo Maqellarës dhe nuk arrijnë ta gjejnë. Këto fakte dhe dokumente tregojnë se “Aaaaspaku” është më shumë se aspak, duke vepruar si një bandë, që krijon krime dhe jo si një strukturë që lufton krimin.
