Një ngjarje e rëndë ka ndodhur në Shkodër ku një 37-vjeçar ka dhunuar babain e tij. Bëhet fjalë për ish montazhierin ordiner Robert Staka i cili përdorte një portali Online me Shkodër dhe hiqe si gazetar ka dhunuar babanë e tij, Angjelin Staka, 79 vjeç.
Policia njoftoi sot (8 tetor) së vuri në pranga Stakën, i cili kishte kanosur dhe dhunuar të atin edhe pse me urdhër mbrojtje.
“Gjithashtu, në një ambient të marrë me qira, të përshtatur me kompjuterë dhe me pajisje të tjera elektronike, 37-vjeçari menaxhonte llogaritë që kishte në Facebook dhe në ËEB, të cilat i keqpërdorte për të fyer dhe për të shpifur për shtetas të ndryshëm”, thuhet në njoftimin e policisë.
Ndërkohë vetë Robert Staka ka filmuar momentin kur është përballë babait të tij, i cili e denoncon në polici.
Në sy të uniformave blu 37-vjeçari mohon se është djali i të moshuarit, i cili duket që është dhunuar.
Babai i Robert Stakës shihet i fashuar në pjesën e fytyrës, ndërsa i brengosur i drejtohet të birit “si nuk të vjen turp”.
“Nuk të vjen turp me rraf babën o qelbësirë, të kam rrit e të kam bërë 37-vjeç more, të kam dhënë shkollë dhe të kam dhënë të gjitha, mor psikopat. Mos të shoh për një vit në këtë shtëpi”, dëgjohet të thotë i moshuari.
NJOFTIMI I POLICISE
Kanosi dhe dhunoi babanë e tij, i cili ishte i pajisur me urdhër mbrojtjeje nga ai, si dhe kishte në posedim një armë imituese, vihet në pranga 37-vjeçari.
Gjithashtu, në një ambient të marrë me qira, të përshtatur me kompjuterë dhe me pajisje të tjera elektronike, 37-vjeçari menaxhonte llogaritë që kishte në Facebook dhe në WEB, të cilat i keqpërdorte për të fyer dhe për të shpifur për shtetas të ndryshëm.
Sekuestrohen një armë imituese e armës së zjarrit, 2 kompjuterë, 2 celularë dhe pajisje të tjera elektronike.
Si rezultat i reagimit të menjëhershëm pas kallëzimit të një shtetasi, se djali i tij e kanoste dhe e dhunonte, ndërkohë që kishte marrë urdhër mbrojtjeje nga ai, specialistët për Hetimin e Krimeve të Komisariatit të Policisë Shkodër arrestuan shtetasin R. S., 37 vjeç, banues në Shkodër.
Në vijim të veprimeve procedurale për rastin, shërbimet e Policisë kryen kontrolle në banesën e 37-vjeçarit, ku gjetën një armë imituese të armës së zjarrit.
Gjithashtu, nga verifikimet rezultoi se shtetasi R. S., në një ambient të marrë me qira, menaxhonte nëpërmjet kompjuterëve dhe pajisjeve të tjera elektronike, llogaritë që kishte në Facebook dhe në WEB, në të cilat postonte fyerje dhe shpifje kundrejt shtetasve të ndryshëm, disa prej tyre me funksione publike.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Kanosja”, “Dhuna në familje”, “Fyerja”, “Shpifja”, “Ndërhyrje të padrejta në jetën private”, “Prodhimi dhe mbajtja pa leje e armëve të gjuetisë dhe sportive” dhe “Veprime në kundërshtim me vendimin e gjykatës”.