Census një regjistrim i lirë me dëshirë si të dojë qejfi dhe interesi. E kjo e gjitha vlen vetëm në një Republikë bananesh.
Disa duhet të deklarojnë besimin, në një Shqipëri ky besimi fetar ka qenë një sakriligj dhe disa 35 vjeçar sot, mund të deklarohen më çfarë religjioni të duan, njëri siç do dashnorja, tjetri siç do gruaja, e dikush siç do “papuja” i fshatit, që dikur i ka bërë një nder.
Kurse kombësia është shkalla më e lartë e pafytyrsisë së një shteti, që regjistron njerëz me ngjyrë si “arian”, apo aziatik si europian.
Kjo që themi, është menyra e trashë për të ilustruar rastin. P.sh si mund të jetë një Goran Shishtaveci bullgarë, kur Shishtaveci kufizohet vetëm me shqiptarë dhe arsyeja e vetme,
është se flet një gjuhë të vjetër bullgare të vjedhur nga tregtarët ambulant të zonës që kalonin buzë Drinit deri në Ohër e Shkup ?! Dhe më qesharake është se vetëm në Shqipëri ka bullgarë të besimit mysliman, besim që praktikon gjithë krahina.
Si mund të jetë grek,një banor i Dhërmiut, Palasës, Himarës, kur gjyshërit dhe stërgjysherit e tyre, kanë ardhur nga veriu i Shqipërisë dhe deti në mes do lejonte vetëm peshkatarët e varkëtarët të mberrinin nën malet e Pilurit dhe Salarisë, por jo të merrnin etnin e tyre me vete, në tokat e të tjerëve në Labëri.
Ndaj censusi do jetë i mbushur me fakte të rreme. Për të qënë të saktë regjistruesit, për fenë dhe kombësinë, duhet të kërkojnë me detyrim çertifikatë të sistemit komunist, ku të gjithë minoritarët janë rregjistruar saktësisht me kombësin e tyre reale, duke paraqitur çertifikatën e trungut familjarë të stërgjyshërve të tyre në kohën e mbretërisë dhe të shtetit të Hoxhës, ku nuk guxonin të gënjenin.
Regjistrimet nuk duhet të bëhen me llogje mor me l*qe. Nëse do bëhet metoda me dëshirë, thuaj çfare të duash, janë humor për të kaluar radhën, që të bënë jo për të qeshur, por per tu ngërdheshur. /Ekskluzive.al