Fiks 2 vjet me parë një mesditë të nxehtë qershori kur një grup gjobaxhinjsh të shoqerisë civile protestonin në Tiranë kundër argëtimit të fëmijëve, ashtu i drobitur dhe i yshtur nga partia e tij e dytë, ish presidenti sharlatan i Republikes Bujar Nishani, shkoi t’i bënte edhe ai karshillëk investimit.
Sepse bashkia e kryeqytetit po ndërtonte një park lodrash për fëmijët, kjo e shqetësonte kryetarin e shtetit. I mbrujtur me cinizëm e plot brengë sa prej halleve të tij, të gruas se tij e të partisë se tij që po plaket në opozite, Bujar Nishani, kapteri grotesk, u shit e u keqperdor për 3 aspra. Opinioni publik i vuri dërmën dhe kurrë nuk përkrahu as Jarin dhe as aktivistët inatçorë e pa kauzë…
Mbrëmë shkova sërish nga parku i liqenit të luaja basketboll e megjithëse ishte orë e vonë, njerëzia nuk rreshtnin së argëtuari mes freskise dhe lodrave. Fotot që po u sjell tregojne me së miri sesa të nevojshem e kanë argetimin dhe sportin njerëzia pavaresisht bujarëve donkishotë të ketij vendi.
Para se t’u uroj nje fundjavë te fresket me tregoni në çfarë skute është strukur skuthi Bujar Nishani se Odetën, bashkeshorten ia shohim deri vonë ne Bllok tek pispilloset me shoqet e idealit. Gjithesesi më rezulton se Nishani i Berishës po behet gati te zgjidhet kryetar i Partise Demokratike mot kur të djathtët e Lulit te humbasin në zgjedhjet vendore. Por çfaredo ta bejnë Nishanin për ne ti oooo Bujaaaaaar, do mbetesh në historine oksidentale te ketij vendi si i pari dhe i fundit president që luftove kundër argëtimit të fëmijëve!
