Pritet largimi i huliganëve rumunë nga stadiumi në Bukuresht.
“GSP.ro” ka raportuar se tashmë policia po bëhet gati për largimin e huliganëve që shpalosën pankartën “Kosova është Serbi”.
Tashmë është formuar një korridor përmes të cilit huliganët mund të largohen nga stadiumi.
Ndeshja në Bukuresht mes Rumanisë dhe Kosovës u ndërpre në minutën e 18, pasi ultrasit rumunë shpalosën një parullë politike dhe nisën kore kundër “Dardanëve”.
Në parullën e ultrasve “Uniți Sub Tricolor” shkruhej “Kosova është Serbi”, parullë qartësisht politike që nuk lejohet në tribuna. Gjyqtari në konsultim me delegatin e ndeshjes, vendosi që të ndërpriste takimin dhe dy nga yjet e Rumanisë, Nikolae Staçiu dhe Ianis Haxhi, shkuan poshtë tribunës së ultrasve.
Ata iu kërkuan që ultrasit të hiqnin parullën në fjalë, por këta të fundit refuzuan. Kjo bëri që gjyqtari të sinjalizonte kthimin në dhoma të zhveshjeve të lojtarëve.
Vetëm atëherë ultrasit hoqën parullën kundër Kosovës.