Zbulohet skema e Komisionit të Pavarur të Kualifikimit për të identifikuar banesat e fshehta të gjithë gjyqtarëve dhe prokurorëve. Teksa njerëzit e drejtësisë kanë deklaruar pak shtëpi si prona të aksesueshme, gazeta “Sot” mëson se se organet e Vettingut kanë thelluar verifikimet për gjyqtarët dhe prokurorët, në kuadër të procesit të rivlerësimit kalimtar, duke bazuar në tre komponentë të qenësishëm.
Sipas informacineve komisionerët e Vettingut kanë kërkuar informacine nga ndërrmarrjet e ujësjellës Kanalizimeve, kompanitë e internetit që operojnë në vend, OSHE, madje edhe dëshmi nga komshinjtë dhe dëshmitarë të besueshëm.
Mirëpo interesant është fakti se përmes informacioneve të marra nga këto agjenci shtetërore dhe jo vetëm, KPK ka nisur gjuetinë për t’i shkuar deri në fund analizës finaciare të çdo subjekti, në mënyrë që të zbulojnë sa më shumë detaje, ndryshe nga ato që janë deklaruar në deklaratën e Vettingut, nga ana e tyre.
Rasti flagrant është i kreut të gjykatës Kushtetuese, bashkim Dedja. Ishte pikërisht informacioni nga OSHE, i cili ndihmoi KPK të zbulonte një apartament të Dedës në Golem.