David Beckham është një nga shkaqet kryesore të ardhjes së Messit tek Inter Miami. Ikona e futbollit anglez kënaqet çdo javë si president dhe tifoz i skuadrës së tij, falë golave të jashtëzakonshëm të yllit argjentinas, deri në atë pikë sa të futet në telashe me gruan e tij.
Victoria Beckham u kap nga kamerat duke qortuar ish-kapitenin e Anglisë gjatë festimit të tij të pakontrolluar dhe plot adrenalinë të një goli të “Pleshtit” në Kupën e Ligës.
Falë shtatë herë fituesit të “Topit të Artë”, ky kompeticion shkoi në “palmaresin” e Inter Miami, trofeu i parë në histori që fiton skuadra e Floridas, me president Beckham.
David Beckham tightly embraces Lionel Messi after the Leagues Cup final win
Video e këtij momenti, ku Victoria e mban me “frena dore” të shoqin në tribunën e stadiumit, është bërë teje “virale” në rrjetet sociale dhe ka shkaktuar mijëra komente. Sikurse shihet në video, edhe David Beckham e paska frikë gruan e tij… Festimet e tij euforike u ndërprenë papritur nga një figurë po aq ikonike në jetën e tij; Victoria Beckham.
Ndërkohë që britaniku feston, Victoria Beckham, e cila ishte ulur pranë bashkëshortit të saj, duket se e qorton në mënyrë diskrete. Në mes të euforisë së përgjithshme, shprehja e stilistes britanike ndryshoi dukshëm dhe pas një shkëmbimi të shkurtër fjalësh, David Beckham zgjodhi të përmbajë emocionet e tij dhe të ulet përsëri në vend, megjithëse buzëqeshja e kënaqur nuk iu shua plotësisht.