Analisti i njohur Frrok Çupi ka paralajmëruar ditën e djeshme se amerikanët po përgatitin ekstradimin e ish-kryeministrit Sali Berisha dhe ish-presidentit Ilir Meta.
Në një analizë, Çupi zbulon skenarin e fundit të SHBA në Ballkan, veçanërisht në Shqipëri, ku sipas tij amerikanët vërejtën kafshët e egra të post- komunizmit, por i lanë në heshtje dy a më shumë dekada.
Tani, sipas Çupit SHBA ka hapur dosjet tronditëse që nga viti 92’ në Shqipëri. “Amerika ka nisur të gjuajë thellë në vite, deri në vitin 1992. Tmerri që hoqën shqiptarët nga shteti i tyre ‘demokratik’ ishte fshehur në një padrejtësi të kobshme.
Deri tani ishte thënë ‘me zërin serbes’ se ‘drejtësia nuk hyn aq thellë’, Drejtësia ishte manipuluar nga presidenti dhe kryeministri Berisha. Tani ka shpresë, mund të kapen autorët e tragjedisë së vendit. Fakti se Amerika ka hyrë në vitet ‘ e vjetra’ që nga 1992, ky është fakti i artë i Drejtësisë.
Tani as SPAK dhe as shërbëtori më i ulët i Sali Berishës nuk mund të fërkojë duart se ‘ato janë vite të thellë’ ku krimi nuk kapet!”, shkruan Çupi. Sipas analisti , Berisha dhe Meta kanë fat të njëjtë.
Ai paralajmëron se krimet e tyre ndërkombëtare do t’i çojnë larg Shqipërisë për gjykim. “Në Tiranë rrjeta po tërhiqet nga cektina: U dëbua Berisha nga PD që e lidhte pas vetes si kamikaz.
Në PD u zgjodh Basha, gjë që ende duket ‘e vogël’.
Berisha është çmendur në konferenca për gazetarët, gjë që dëshmon se e ka afër rrjetën. Ka të dhëna se krimet ndërkombëtare do ta çojnë larg Shqipërisë për hetime gjykim. Ilir Meta e ka lëshuar nën peshën e frikës së vet.
Të dy jetojnë në të njëjtin det, si fizikisht edhe alegorikisht. Në Kosovë kërkohet largimi i Albin Kurtit nga qeveria dhe rrëzimi i perandorisë së mafies në kufirin verior.
Ëndrra e Kurtit për ta kthyer Kosovën në kufijtë e ‘Dejtonit’, po asfiksohet. Në Serbi, vetë shefi i Policisë Sekrete dhe ish ministër i Brendshëm, kërkohet kudo që të jetë. Vetë Serbia, njësoj si Gjermania pas ËËll, nuk mund të shfajësohet për krimet e vjetra në Ballkan.
Marrëveshja e Dejtonit si dhe Konferenca e Rambujesë zbulojnë disa ‘fosile’ të vjetra të rrezikshme në Ballkan. Shkupi po bëhet gati për një Kushtetutë të re që besohet se e orienton shtetin më mirë drejt Europës.
Kufij të hapur të Maqedonisë me Shqipërinë sapo u krijuan si ‘modeli ballkanik’ për të mos mbajtur ‘oaze krimi’ mes kufijve shtetërorë. ‘Unë jam muxhahedin!’, sapo deklaroi Berisha. Tani do t’i shkonte të thoshte: ‘Unë, Berisha, jam i vetmi që nga viti 1992!’”, përfundon analizën Frrok Çupi.