Rikonfirmimi i Lulzim Bashës në kryet të Partisë Demokratike duket se ka trazuara ujërat brenda “Foltores” së Sali Berishës. Dy ditë më parë u mbajtën zgjedhjet për kryetarin e PD dhe sipas të dhënave pas numërimit, Lulzim Basha ka marrë 16196 vota dhe Gjergji Hani 1657 vota.
Por ky rikonfirmimi duket se ka trembur dhe ka futur në panik Berishën dhe enturazhin e tij, i cili tashmë jovetëm që iu shua shpresa për të marrë partinë, por ai pritet të nxirret jashtë selisë blu, të cilën e ka uzurpuar me dhunë prej 8 janarit të vitit 2022.
Mësohet se Basha në ditët në vijim pritet t’iu drejtohet autoriteteve me një kërkesë, duke iu kërkuar që t’i lirojnë godinën e uzurpuar nga Rithemelimi, vendimmarrje kjo që do të nxirret automatikisht Berishën jashtë selisë blu.
Kjo lëvizje e Bashës është legjitime dhe vjen pasi ai ka tashmë jovetëm ka vulën dhe logon e Partisë Demokratike, por edhe drejtimin e partisë. Mirëpo, rikonfirmimi i Bashës në krye të PD nuk do të nxjerrë jashtë loje vetëm Sali Berishën, pasi ai do të sjellë edhe fundin e doktrinës “Berishiste”. “Foltorja” e udhëhequr nga Berisha, është një fraksion ilegal anti-amerikan dhe që mbahet gjallë nga intrigat, shantazhet dhe krimi i organizuar.
Kështu që me rikonfirmimin e Bashës në krye të Partisë Demorkatike, kjo doktrinë do të shuhet dhe bashkë me të do të asgjësohet politikisht edhe Sali Berisha, i cili është shpallur “non-grata” nga Shtetet e Bashkuar të Amerikës dhe Britania e Madhe, e madje pritet që të njëjtin vendim ndaj tij do të marrë edhe Bashkimi Evropian, teksa akuzohet për korrupsionin domethënëse dhe minim të demokracisë.
Pra, thënë troç, rikonfirmimi i Bashës, jovetëm që ka futur në panik Berishën dhe lakenjtë e tij, por edhe një kambanë alarmi për këdo që është bërë njësh me krimin dhe korrupsionin, për shkak se platforma që ka paraqitur kryetari i PS si vetingu në politikë, ndryshimi i Kushtetutës dhe Kodit Zgjedhor, do të sjellë fundin politik të gjithë klasës politike shqiptare, njëri prej të cilëve është kreu i “Foltores”.
“Foltorja” nis sulmet ndaj Bashës
Por rikonfirmimi i Lulzim Bashës në krye të Partisë Demorkatike, ka bërë që Sali Berisha të nxjerrë në skenë lakenjtë e tij, të cilët kanë nisur sulmet ndaj liderit të demokratëve. Fillimisht ka qenë deputeti Edi Paloka, i cili me anë të një postimi në rrjetin social “Facebook”, ka deklaruar Basha nuk po e fsheh më se misioni i tij është shërbimi ndaj Edi Ramës.
Ai shtoi se Basha është i marrë peng nga Rama, pasi i duhet për ta ndihmuar për të vjedhur zgjedhjet e 2025. Madje Paloka theksoi se me ardhjen e Bashës në krye të PD-së, do të nis spastrimi i mëtejshëm i partisë, ku Basha do të heqë të gjithë ata që i dolën kundër.
“Demokratë, nuk keni pse çuditeni e revoltoheni akoma me L.B ?! L.B të paktën tani nuk fshihet me! Tani ai e ka shpallur hapur “misionin” e tij. L.B është tërësisht në shërbim të Ramës. I marrë peng nen presionin e burgut apo me dëshirë e nen joshjen e parave, kjo pak rëndësi ka. L.B i duhet Ramës deri në 2025 për komisionerët dhe numëruesit në zgjedhje që t’i përdorë siç i përdori dhe me 14 maj.
I duhen dhe ata deputetë që i kanë mbetur L.B për të votuar ligje që kërkojnë shumica të cilësuar në Parlament! Demokratë thjeshtë kuptoni që sot Basha për ju është Rama, është armiku juaj . Kujtoni dhe që përdori kundër jush hunjtë, paratë e pista dhe hilet, gjë që nuk e beri kurrë kundër Ramës!”, shkruan Paloka.
Ndërkohë ka reaguar edhe deputeti Dashnor Sula, i cili me tone ironike ka folur për procesin e sotëm, sipas të cilit votuesit imagjinar zgjodhën kryetarin imagjinar të PD-së. “Nga sot, falë kontributit të votuesve imagjinarë që braktisen pushimet, PD ka nje kryetar imagjinar. Përgëzoj organizatoret e procesit që menaxhuan flukset e votuesve dhe që kishin marrë kuti mjaftueshëm për të futur te gjithe fletët e votimit!”, shkruan Sula./ NGA RIGELS SELIMAN