Britanikët kanë ngritur akuza shumë të forta ndaj Sali Berishës. Ky i fundit u mundua sot të justifikohej se i kanë rënë në qafë kot, por në fakt, ndryshe nga SHBA që e akuzon për korrupsion, Londra e akuzon për lidhje me krimin e organizuar.
Në një pasazh, që Berisha e shet në raportin e tij si akuzë të rreme, në fakt tregon se britanikët janë të bindur se ai ka përfituar nga krimi i organizuar. Në kapitullin ku flitet për lidhjet e Berishës me Fation Dautin, thuhet se ata kanë indicie se lidhjet e Berishës me krimin, janë më të gjera se sa shihet në publik.
“Ekipi i Projektit CSN ka vlerësuar se Berisha ka lidhje të gjerë me rrjetet kriminale, megjithëse vlerësojmë se këto indikacione kërkojnë mbështetje nga të tjera burime.
Ndonëse këtu nuk ofrohen dëshmi konkrete të lidhjeve të tilla, pesha e saj duhet të vlerësohet në kombinim me pamjet video të Berishës me Fation Dautin (mbështetur në dorëzimin origjinal të korrikut 2022), si dhe informacioni i gjetur në Shtojcën E. Kombinimi i provave lejon një shkallë të arsyeshme besimi, duke arritur në konkluzionin se Berisha ka qenë i lidhur me aktorë kriminalë, me emra të përfshirë në krime të rëndë dhe krim të organizuar. Ky është pra një shembull tjetër se Berisha ka përfituar nga kriminaliteti”, theksohet në dokumentin e nxjerrë nga vetë Berisha.
Publikohet shkresa e britanikëve: Berisha i lidhur “kokë e këmbë” me krimin, gati t’i përdorë për interesa personale e politike
17 Korrik, 16:34
Më herët u publikua dhe shkresa që mori Berisha kur u shpall i padëshiruar. Edhe aty Londra e akuzon Berishën se ka lidhje me krimin dhe i përdor këto lidhje për interesa politike.
“Qëllimi i kësaj letre është t’ju informojë se më 19 korrik 2022, pas shqyrtimit më të kujdesshëm, Sekretari i Brendshëm urdhëroi personalisht që ju të përjashtoheni nga Mbretëria e Bashkuar për arsye kriminaliteti dhe korrupsioni mbi bazën se prania juaj në Britania e Madhe nuk konsiderohet e favorshme për të mirën publike si rezultat i vlerësimit se ju keni lidhje të qarta me grupet e krimit të organizuar dhe kriminelët që kanë paraqitur një kërcënim për sigurinë publike në Shqipëri dhe në MB dhe se jeni të gatshëm t’i përdorni këto lidhje për më tej ambiciet tuaja politike dhe vlerësimin se keni përdorur pozitat tuaja të zgjedhura për t’u përfshirë në korrupsion dhe sjellje kriminale për të pasuruar veten dhe rrethin tuaj të ngushtë, në veçanti ish-këshilltarin tuaj zgjedhor Damir Fazlliç, të cilin më pas e mbrojtët kur u shfaqën prova të kriminalitetit”, thotë letra.
Berisha u mundua sot të justifikohej, por në fakt duket se i ka bërë gjëmën vetes. Raste si Fatjon Dauti, Damir Fazlliç apo firmat piramidale, nuk justifikohen dot. /Pamfleti