Të dhënat zyrtare tregojnë se gjatë verës numri i aksidenteve është më i madh për shkak edhe të rritjes së numrit të automjeteve që qarkullojnë.
Emigrantët që zgjedhin të kalojnë pushimet në Shqipëri, por edhe turistët, bëjnë që numri i automjeteve në vend të jetë i madh. Por një numër i madh automjetesh krijon kaos, trafik dhe shpeshherë edhe aksidente.
Por që aksidente të tilla të shmangen sa më shumë të jetë e mundur, një vajzë ka një thirrje për shoferët vendas por edhe emigrantë që janë kthyer për pushime.
Ajo thotë se shoferët janë të lirë të lëvizin me shpejtësinë që duan, por nuk duhet të përdorin dritat gjatë natës për të kërkuar hapjen e rrugës. Vajza thotë se stresues është edhe fakti se makinat lëvizin me shpejtësi në autostradë, prandaj kërkon eliminimin e “terrorizimit” me drita.
Ajo përmend edhe faktin se si shoferët ‘bëjnë presion’ duke iu ngjitur afër makinave për të kërkuar parakalim kundravajtje kur nuk as hapësirë në rrugë.
Vajza thotë se këto ankesa janë madhore për femrat në timon si puna e saj.
Mesazhi i vajzës:
Pershendetje JOQ.Ju lutem dua te shtroj nje ankese qe per ne femrat eshte madhore. Meqe shume shqipetare jane kthyer ne atdheun e tyre, levizja e makinave eshte bere me e shumte. Mirseerdhen. Por ju lutem o njerez te mire,ju lutem shume, ecni me sa shpejtesi qe te doni, por naten mos na i luani dritat mbrapa per t’ju hapur rrugen.
Ju lutem o njerez, pak stres na krijohet levizja ne autostrada ku vini fluturimthi, por mos na”terrorizoni”me dritat. Duke mos mjaftuar kjo, ngjiteni edhe prapa makines se spo ju hapet rruga duke tentu me parakalu kundravajtje, ku ne nuk eshte se kemi hapsire t’ju hapim rrugen. Amani mo njerez te mire, amani. Ju uroj me te mirat.