Ministri grek i Mbrojtjes, Panos Kammenos ka deklaruar se Greqia do të zgjerojë hapësirën territoriale në kuadër të njohjes së zonave ekskluzive ekonomike (ZEE).
Për mediat greke ai ka thënë se Greqia do të fillojë të punojë për shfrytëzimin e pasurisë në det.
“Ne jemi në një moment të rëndësishëm në historinë e kombit, shumë shpejt do të “zgjerojmë” ujërat tona territoriale, njohjen e ZEE, shfrytëzimin e pasurisë nënujore dhe vendi ynë do të hyjë në një epokë të re”, tha Panos Kammenos.
Më tej, duke dashur të shmangë keqkuptimet theksoi se nuk bëhet fjalë për një zgjerim në kuptimin fillestar të fjalës.
Çështja e kufirit detar mes Shqipërisë dhe Greqisë është kther në temë diskutimi, ku ministri i Jashtëm shqiptar, Ditmir Bushati dhe homoligu i tij grek Nikos Kotzias kanë zhvilluar takime bilaterale si në Shqipëri ashtu edhe në Greqi për t’i dhënë fund kësaj çështjeje.