Fundi duket mjaft dramatik. Operacioni i kërkim-shpëtimin për nëndetësen e humbur pranë rënojave të anijes Titanik ka dështuar.
Sipas ekspertëve të përfshirë në kërkim, korniza e uljes dhe mbulesa e pasme e nëndetëses janë zbuluar në fundin e oqeanit, duke treguar se mjeti ka pësuar një ‘shpërthim katastrofik’ që do të ketë marrë të pesë jetët në bord.
Roja Bregdetare e SHBA-së njoftoi në Tëitter mbeturinat u gjetën pasditen e sotme, ndërsa ende nuk e kanë konfirmuar se çfarë është zbuluar saktësisht.
Richard Garriott, President i Klubit të Eksploruesve, thotë për DailyMail.com se pas një përplasjeje të mundshme, nëndetësja pësoi një çarje dhe shpërtheu nën presionin nënujor, duke vrarë menjëherë të pesë burrat në bord.
“Titan” u zhyt në 8 të mëngjesit dhe humbi komunikimet në orën 9:45 të mëngjesit por nuk u raportua si i zhdukur në Rojet Bregdetare të SHBA deri në orën 17:40.
Që nga e diela mbrëma, ka pasur një përpjekje të furishme ndërkombëtare për ta gjetur atë dhe për të shpëtuar njerëzit në bord. Ata që kanë ngecur në bord përfshijnë miliarderi britanik Stockton Rush dhe bashkëshorten e tij Wendy (CEO i “OceanGate Stockton Rush), veterani i marinës franceze PH Nargeolet dhe biznesmeni pakistanez Shahzada Dawood dhe djali i tij Suleman, i cili është vetëm 19 vjeç dhe student në Universitetin Strathclyde.
Të pesë anëtarët në bordin e nëndetëses së zhdukur Titan kanë vdekur, tha kompania që operon nëndetësen në një deklaratë.
“Tani besojmë se CEO ynë Stockton Rush, Shahzada Dawood dhe djali i tij Suleman Dawood, Hamish Harding dhe Paul-Henri Nargeolet, fatkeqësisht kanë humbur,” thuhet në një deklaratë të OceanGate.
“Këta njerëz ishin eksplorues të vërtetë që ndanin një frymë të veçantë aventure dhe një pasion të thellë për të eksploruar dhe mbrojtur oqeanet e botës. Zemrat tona janë me këta pesë shpirtra dhe çdo anëtar të familjeve të tyre gjatë kësaj kohe tragjike. Ne pikëllojmë humbjen e jetës dhe gëzimin që ata sollën për të gjithë ata që njihnin.”
Në një konferencë shtypi minuta më vonë, Admirali John Mauger – i cili drejton kërkimin – konfirmoi se një automjet i drejtuar nga distanca kishte zbuluar konin e bishtit të nëndetëses së zhdukur, afërsisht 1600 metra nga harku i Titanikut në fund të detit.
Mbetjet shtesë u gjetën aty pranë, ndërsa z.Mauger shtoi: “Në konsultim me ekspertë nga brenda komandës së unifikuar, mbetjet janë në përputhje me humbjen katastrofike të dhomës së presionit. Në emër të Rojës Bregdetare të SHBA dhe të gjithë komandës së unifikuar, unë u ofroj ngushëllimet më të thella familjeve.”
