Një tjetër rast i rëndë në SHBA nga policia ndaj një shtetasi afrikano-amerikan.
14-vjeçari Jor’Dell Richardson u qëllua për vdekje në bark nga një oficer jashtë një dyqani në Aurora, Kolorado. Sipas efektivëve, i mituri kishte vjedhur cigare elektronike me disa shokë më 1 qershor.
Nga publikimi i videove të marra nga kamerat e policëve u zbulua se djali tentoi të arratisej, por u bllokua nga një prej oficerëve.
Menjëherë pas arrestimit të 14-vjeçarit, në vendngjarje ka mbërritur një tjetër polic, i cili fillimisht e ka kërcënuar se do ta qëllojë dhe më pas ka tërhequr këmbëzën. Lutjet e djalit ishin të kota .
Oficeri që e shtriu djalin në tokë quhet James Snapp. Pikërisht atij Jor’Dell e pyeti, i tmerruar: “Ndal, të lutem”. Tjetri, ai që e vrapu është oficeri Roch Gruszeczka. Në video dëgjohet ky i fundit të thotë. “Lëreni armën e ndyrë.” Dhe përsëri: “Unë do të të qëlloj”.
Djali nuk ishte i armatosur.
14-vjeçari nuk kishte armë të vërtetë, por një pistoletë me ajër fishekë në formë 9 mm. Shefi i Departamentit të Policisë Aurora, Art Acevedo tha në një konferencë për shtyp se një hetim është hapur. “Pavarësisht rezultatit, kjo është një tragjedi sepse një i ri ka humbur jetën”.