Robert De Niro është bërë sërish baba, për të shtatën herë. Një zëdhënës e konfirmoi lajmin për “Page Six”, por nuk e bëri me dije gjininë e bebushit, megjithatë njoftoi se aktori dhe partnerja e tij, Tiffany Chen janë bërë prindër.
Gjithashtu, De Niro korrigjoi edhe një gazetar, i cili e quajti “baba i gjashtë fëmijëve”, duke theksuar se “sapo mirëpritëm një bebe”.
Aktori i “Taxi Driver” dhe partnerja e kanë mbajtur lidhjen dhe shtatzëninë private dhe vetëm muajin e kaluar u kuptua se ajo ishte në pritje të ëmbël.
De Niro është gjithashtu babai i: Drena (51 vjeç), Raphael (46 vjeç), binjakëve Aaron dhe Julian (27 vjeç), Elliot (25 vjeç) dhe Helen (11 vjeç).