Lihen në burg 2 nga të arrestuarit për mashtrimin me sms të një biznesmeni në vlerën e 100 mijë eurove duke u hequr si zyrtar i lartë. Ata i shkuajtën në aplikaconin telegram Ram Gecit, në emer të Erion Veliajt.
Gjykata e Tiranës la në burg Bedri dhe Albert Vodhën (babë e bir), të arrestuar për një skemë mashtrimi përmes përdorimit të emrave të zyrtarëve të lartë.
Pre e skemës ka rënë dhe biznesmeni i njohur Ramë Geci të cilit i ka mbërritur një mesazh në aplikacionin “Telegram” nga një numër anglez në emër të kryebashkiakut të Tiranës Erion Veliaj.
Teksti i mesazhit të dërguar biznesmenit ishte “Lali jam, e di si e kam situatën në këto kohë, a ke mundësi për 100?”
Pas kallëzimit të biznesmenit, policia dhe prokuroria morën në dorë komunikimin me mashtruesit duke i thënë se “nuk kam 100, 70 të bëjnë punë”?
Pasi mashtruesit kanë shprehur dakordësi, është lënë dhe takimi për marrjen e shumës së parave në zyrën e biznesmenit Geci.
Në këtë moment, kanë ndërhyrë forcat e policisë duke bërë arrestimin e babë e bir në flagrancë.
Gjatë seancës për caktimin e masë së sigurisë Bedri dhe Albert Vodha kanë mohuar akuzat duke u justifikuar me faktin se nuk kanë patur dijeni dhe se ishin udhëzuar të takoheshin me dikë tjetër.
Gjykata caktoi masën arrest me burg në mungësë edhe për Florian Gjergjin që dyshohet të jetë një nga organizatorët e kësaj skeme.
Pre e një mashtrimi të tillë më herët kanë rënë edhe biznesmenë të tjerë të cilëve u janë prezantuar në aplikacionet Signal dhe Telegram si zyrtarë të lartë.