Ashtu siç kishte premtuar, Luiz Ejlli u nis për në Shkodër pasi mori triumfin e Big Brother VIP. Këngëtari u filmua me makinë luksoze tip Range Rover teksa zbret dhe futet në ambientet e një lokali.
Pronari i një dyqani aty pranë ka publikuar pamjet duke treguar vizitën e Luizit. Edhe atje ka pasur vëmendje të madhe pasi është vënë re nga fansat të cilët e kanë ndaluar për të bërë foto.
Mbrëmjen e shkuar, Luiz Ejlli u shpall fituesi i sezonit të dytë të “Big Brother VIP”, duke marrë çmimin e madh prej 100 mijë eurosh.
Këtë çmim tha se ia dedikonte babait të tij të ndjerë, për të cilin u shpreh se uron që t’ja mbajë mbiemrin sa më lart.