Në Korçë,u prezantuan sot projektet për ndërtimin e stadiumit të ‘Skënderbeut’, i cili do të shndërrohet së shpejti bashkë me Pallatin e Sportit, në qendër të re për qytetin, ku jeta sportive do të marrë hov dhe do të zhvillohet përgjatë gjithë ditës dhe vitit.
I pranishëm ishte edhe kryeministri Edi Rama, i cili u shpreh se objektiv për 2025 është që në vendin tonë të organizohet kampionati europian i futbollit për të rinjtë.
Në garë ishin italianët e “ARCHEA Associati”, spanjollët e “BOFILL Architecture” dhe danezët e “CEBRA-s”. Projekti fitues u shpall ‘Cebra Architecture’. Infrastruktura moderne do t’i shërbejë qyteteve, por edhe Shqipërisë, ku ambicia është zhvillimi i finaleve të Kampionatit Europian për të rinj.
Rama: Betejën për ’14 majin’ e kemi pa kundërshtarë, ‘non-grata-t’ damkosje serioze! Kënga që kemi zgjedhur s’është tallava! Podcast-in e bëra se sjell njerzillëk
LEXO EDHE:
Rama: Betejën për ’14 majin’ e kemi pa kundërshtarë, ‘non-grata-t’ damkosje serioze! Kënga që kemi zgjedhur s’është tallava! Podcast-in e bëra se sjell njerzillëk
‘Është hera e parë në historinë e UEFA-s që një shqiptar, drejtuesi i Federatës, përfshihet në komitetin e UEFA-s dhe besoj që kjo e forcon edhe pozitën tonë në përpjekjen tonë për të realizuar disa objektiva të tjerë, duke filluar nga objektivi ambicioz që në 2025 ne do organizojmë në Shqipëri kampionatin europian të futbollit për të rinjtë dhe kjo do të thotë që në 2025 ne duhet të jemi gati me këto stadiume të reja të cilave i shtohet edhe siç e tha presidenti, stadiumi “Selman Stërmasi” në Tiranë i cili do të ribëhet tërësisht po me këto principe dhe patjetër do të vazhdojmë edhe më tutje.’- tha Rama.
Stadiumi “Skënderbeu” do të transformohet në një kompleks sportiv me shërbime të ndryshme, duke ndjekur modelin e suksesshëm dhe shumë funksional të Stadiumit “Air Albania” në kryeqytet, falë iniciativës së qeverisë për rikonceptimin dhe rizhvillimin e komplekseve sportive dhe të stadiumeve të futbollit në qytetet Durrës, Korçë dhe Vlorë, në bashkëpunim me bashkitë përkatëse dhe Federatën Shqiptare të Futbollit.
Në muajin shkurt të këtij viti, Ministria e Arsimit dhe Sportit dhe Agjencia Kombëtare e Planifikimit të Territorit/ Atelier Albania hapën thirrjen për pjesëmarrje në Konkursin Ndërkombëtar për Projekt-Ide, ku në finale u përzgjodhën 3 finalistë me prestigj në skenën bashkëkohore të arkitekturës, ARCHEA Associati (Itali), BOFILL Architecture (Spanjë) dhe CEBRA (Danimarkë), të cilat sot nisën prezantimin e propozimeve arkitektonike për rizhvillimin e Kompleksit të Stadiumit.
