Performanca turpëruese e Kombëtares shqiptare ka vijuar dhe në miqësoren e sotme të luajtur në Evian të Francës kundër Ukrainës.
Kuqezinjtë e drejtuar nga tekniku italian, Kristian Panuçi, pas humbjes turpëruese të marrë në miqësoren e parë kundër Kosovës, të njëjtën gjë ka përsëritur dhe në takimin e sotëm përballë Ukrainës duke humbur me rezultatin e thellë 4-1.
Edhe në miqësoren e sotme u vu re një ekip që nuk shfaq asnjë dëshirë për të fituar, ku loja është krejtësisht skandaloze dhe reparti më i turpshëm është mbrojtja.
Një repart tërëisht katastrofik që i dha mundësinë sulmuesve Ukrainës të dhuronin spektakël dhe të shënon tre gola.
Skuadra e drejtuar nga trajneri Andri Shevçenko arriti që të mbyllë ndeshjen që në pjesën e parë duke shënuar tre gola.
I pari që hapi serine e golave për ukrainasit ishte Konoplianka në minutën e 31-të, ndërsa në të 36-tën dhe të 45-tën Jarmolenko shënoi një dopietë duke i mbyllur 45 minutat e parë me shifrat 3-0.
Pjesa e dytë nuk dhuroi shumë raste pavarsisht tentativave të bëra nga të dyja ekipet, por që ishin të pa rrezikshme për portierët Berisha dhe Lunin.
Reagimi i Shqipërisë erdhi në minutë 87-të me anë të Emanuele Ndojit që shënoi golin e nderit, por Ukraina u përgjigj vetëm pas një minute me anë të Konoplyanka që vulosi shifrat në 1-4.
Në këtë mënyrë Shqipëra merr një tjetër disfatë të rëndë që na kthen pas në kohë në një ekip që kundërshtarët talleshin me ne!
Formacionet zyrtare:
Shqipëria: Berisha, Hysaj, Mavraj, Gjimshiti, Veseli, Lilaj, Roshi, Lenjani, Ndoji, Ramadani, Manaj
Ukraina: Lunin, Butko, Krivtsov, Burda, Sobol, Marlos, Zinçenko, Malinovski, Jarmolenko, Besedin, Konoplianka
GOL! Emanuele Ndoj shënon golin e nderit për Shqipërinë dhe të parin për të me fanellën kuqezi
Etrit Berisha shpëton mrekullisht portën tonë nga goli i katërt pas një gjuajtje spektakolare të goditur nga goditja dënimit
Minuta 57′, Sabien Lilaj shumë pranë golit por topi i goditur prej tij përfundon në rrjetën e jashtme
GOL! Tjetër gafë e turpshme e mbrojtjes shqiptare që i jep mundësinë Jarmolenkos të shënoi golin e tretë për Ukrainën
GOL! Mbrojtje katastrofike e kuqezinjve që shfrytozohet mjaft mirë nga sulmuesi Jarmolenko që dhuron spektakël duke shënuar golin e dytë për Ukrainën
GOL! Konoplianka ka kaluar në epërsië Ukrainën duke përfituar nga vendosje e gabuar e mbrojtjes sonë duke e dërguar topin në fund të rrjetës
Minuta 18′, Jarmolenko shumë pranë golit për Ukrainën ku i pambuluar brenda zonës nuk godet në mënyrë të saktë duke e dërguar topin jashtë kuadratit
Minuta 13′, Tjetër rast i mirë për Shqipërinë me Lilajn që tenton rrezikshëm nga distanca, por topi grushtohet nga portieri Lunin
Minuta 7′, Kundërpërgjigjet menjëherë Ukraina me Jarmolenko që godet saktë brenda zonës, por Hysaj shpëton mrekullisht portën e Berishës
Minuta 5′, Shqipëria humbet rastin më të artë për të kaluar në avantazh me anë të Lenjanit i cili i vetëm përballë portës nuk e dërgon dot topin në fund të rrjetës
Ekzekutohet himnet e të dyja Kombëtareve nën një atmosferë jo shumë entuziaste në stadiumin e Evianit