Inxhinieri Arben Meçe, hodhi poshtë idenë e kandidatit të Berishës, Belind Këlliçi, për hapjen e tuneleve poshtë sheshit “Skënderbej”, për të lehtësuar trafikun e makinave.
Inxhinieri foli për Abcnews duke deklaruar se kjo që është bërë publike mbetet një idiotësi, sepse sipas tij, jo vetëm nuk lehtëson trafikun, por e bën atë më lëmsh.
Me tej ai theksoi se poshtë sheshit, nëse do të synohet për tunel nëntokësor, do të shkatërrohen totalisht linjat elektrike, por edhe krejt infrastruktura nëntokësore.
Inxhinieri Meçe shtoi se kjo ka edhe një kosto të jashtëzakonshme për buxhetin e bashkisë, aq sa krejt biznesi do të punojë të paguajë tatime vetëm për këtë ide dhe asnjë investim tjetër nuk do të ketë më takat bashkia e kryeqytetit.
Meçe u shpreh se një nga problematikat për ta realizuar këtë, është dhe teknike, pjerrësia e lëvizjes. Ai iu referua nënkalimit në zonën e “Astirit”, ku sipas tij, janë zbatuar kushtet teknike të projektimit.
Meçe nënvizoi se bërja e nënkalimit në qendër të Tiranës, duke ndërtuar dy kanale, një hyrës dhe një dalës, bllokon totalisht lëvizjen e automjeteve.
Rezulton që nëse do ta bësh këtë tunel, që teknikisht është i mundur, duhet menduar që përpara se të futesh në tunel, rreth 100 metër dhe në rastin ideal, pjerrësinë e pranojmë 8%, do ulesh 6 metër, që do të thotë, nga 60-80 metër nga hyrja, do bësh këtë kanal në zemër të qytetit në drejtimin, hyrës, e njëjta gjë do të jetë edhe në drejtimin dalës.
Imagjinoni tani që në qendër të qytetit, të prodhosh dy kanale që prishin totalisht qendrën e qytetit”, theksoi ai.