Një ditë më parë, Kiara Titos i kanë mbërritur veshje të reja në shtëpinë e “Big Brother VIP”.
Ishte partneri i saj, Luiz Ejlli, i cili e njoftoi atë për veshjet që i kishin shkuar. Madje duket se ai i kishte parë vetë në fillim, pasi i thotë se kishte një xhup xhins që nuk duhej ta vishte.
Madje duke bërë shaka shton se nëse e vesh do i kërkonte divorcin.
“Kanë ardhur rroba. Ke një xhuboks xhins që bëre e veshe, unë kërkoj divorcin live nga shtëpia më e famshme në Shqipëri. Kaq po di me thënë, nuk më intereson hiç kush e ka sjellë. Me atë lloj veshje ajo”, dëgjohet të thotë këngëtari i njohur.
Ndërkohë kujtojmë se me rikthimin e Kiarës në shtëpinë e “Big Brother VIP”, çifti nuk ka debatuar si herën e parë. Kësaj radhe, Tito i ka qëndruar më pranë Ejllit, duke mos i ndërhyrë në lojën e tij.