Aksioni opozitar i ndërmarrë nga ana e Bashës, pa asnjë kauz, ose me kauza që i mendon natën dhe do t’i praktikoi ditën, duke bërë eksperimente me protestues ka ngjallur pakënaqësi në radhët e kritikëve. Anëtarja e Këshillit Kombëtar e PD, Edit’h Harxhi deklaroi se Basha ka marrë peng partinë.
Harxhi e akuzoi Bashën se ka vrarë shpresën e shqiptarëve. “Zoti Basha ka vrarë alternativën, shpresën e shqiptareve.
Unë dal në shesh për të rrëzuar qeverinë e Edi Ramës, nuk dal në shesh për të rrezuar një ministër të Brendshëm, sepse hiqet një ministër i Brendshëm vjen një ministër i Brendshëm tjetër dhe ata janë po njësoj.Unë nuk heq dorë nga e thëna e fjalës që Basha e ka marrë peng ketë parti”, tha ajo
Anëtari tjetër i Këshillit Kombëtar i PD, Edvin Kulluri, tashmë i sigurtë dhe i shqetësuar, u shpreh se PD po shkon drejt disfatës. “Në gjendjen aktuale që jemi sot, nëse gjërat do të ecin në këtë tendencë deri në zgjedhjet lokale të vitit te ardhshëm, PD do të shkoje drejt disfatës, e cila fatkeqësisht duhet të themi që mund të jetë disfata përfundimtare e PD”
Dhe kjo të çon në përfundimin, se këtu jemi përballë një problemi të shtrirë në dy partitë e mëdha, pra marrëdhënia e ngushtë e pandashme midis zotit Rama dhe zotit Basha në këtë teatër”, përfundon ai./Ekskluzive.al