Është e frikshme dhe çmenduri ajo që po ndodh sot mes bizneseve dhe administratët e korruptuar, mbushur me gjobëvënësa të administratës tatimore, e cila nuk i lë gjë mangut Këshillit Antifashist Nac-Çlirimtar, të paguar nga taksapaguesit që këta sulmojnë, duke shkatërruar biznese, duke të shpifur, mashtruar, trilluar dhe gjobitur në emër të shtetit.
Ndër ata që u rrënuan nga pushteti i ri pas luftës, ishte edhe një shtresë tjetër e popullsisë, që nuk kishte bërë asnjë faj, përveç faktit që ishte e kamur, kishte prona, aksione, dyqane… ishin marrë me tregti.
Përmes ligjesh pushteti komunist i detyronte ata të dorëzonin gjithçka, deri në kacidhen e fundit. Nëse nuk dorëzoheshin vullnetarisht, atëherë kishte “forma” të tjera.
Kjo po ndodh pas kaq vitesh demokraci me bandën e turpshme të organizatës tatimore e drejtuar nga gjithfarë ronxhobonxho të paarsimuar, ashtu si shumica e partizanëve që zbritën nga malet dhe ranë në qytet, duke u gdhirë pushtetarë analfabet.
Tatimorët e shokut Rama, janë më të pafytyrë, sepse thjesht kanë një diplomë si të shkolluar por fatkeqësisht dhe turpërisht nuk dinë as atë ta zbërthejnë, se çfarë është shkruar dhe deri ku është aftësia e tyre mendore për llojin e detyrës që do kryejnë, për të mos mundur ta ndajnë diplomën e kasapit me atë të kirurgut.
Kjo është banda që si çlirimtarët e Enverit janë sulur për të mbushur me dhunë, me ligje dhe metoda kriminale arkën e të pangopurve të shtetit. Gjithçka me mendësinë dhe metodat e diktaturës, duke përdorur “Këshillin Antifashist Nacionalçlirimtar”… Hetimin Tatimor me komisar Redi Vasilin.
Kjo për të vënë nënkontroll firmat private shqiptare dhe të huaja me anë të “komisarëve shtetërorë”, që kanë si detyrë drejtimin dhe mbledhjen e informatave mbi aktivitetin e tyre, deri në likuidimin dhe kalimin e tyre me anë të vendimeve dhe ligjeve të sekuestrimit, konfiskimit e pasurive private.
Të gjithë këto veprime mbështeten edhe nga drejtësia e padrejtësisë, që nuk ka ndërruar mentalitet dhe koncept për drejtësinë, por sulmi ndaj bizneseve u duket detyrë patriotike, për të kënaqur Edi Ramën e mërzitur.
Bizneset private importuese po përballen me dënime të ashpra si gjoba dhe heqje lirie, për shkelje administrative gjatë kohës së pandemisë të trilluara dhe sajuar si shkelje penale nga ushtarët e “komisar” Redi Vasilit dhe shkelje që nuk shkruhen në asnjë ligj, por që drejtohen nga ca “Maliq”, bashkëshorti i sekretares së Ramës Ermonela Felaj, pra prokurori Bledar Valikaj dhe bashkëshorti i sekretares së Sali Berishës, gjyqtari Petrit Çomo.
Askush nuk i kupton zellin e tyre për të krijuar “grupe kriminale në ekonomi”, mes subjekteve që nuk kanë asnjë lidhje, njohje apo marrëdhënie tregtare mes tyre, por kanë të përbashkët…financierin që u mbyll bilancin një herë në vit.
Në vitit 1960, edhe Hoxha bëri një armëpushim formal me anë të një amnistie tatimore dhe ndaloi përkohësisht masakrën e tregtarëve, edhe pse ky proces mund të konsiderohet se kishte avancuar përtej qëllimeve të tij, por qeveria 10 vjeçare e Ramës, as që ka ndërmend të ndaloj dhunën ndaj bizneseve sepse është e shqetësuar për paratë e zeza të shqiptarëve nëpër botë për… amnisti fiskale.
Ja çfarë shkruente Rama për këtë bandë të rilindur:
“Hetimi tatimor nuk mund të jetë funksional sikur e duam ne, nëse ata që shfaqen te dera për të kërkuar llogari duken si njerëz në kërkim. Është e pamundur, mua mu ankua njëherë një shitëse, edhe tha më bëjnë presione. Po anonim të lutëm, tha, i thashë i dua me emra…edhe ajo u bëri një video atyre.
Unë nuk e besoja dhe mendova se ishin persona që ishin në kërkim, nuk e besoja dot. Hetim tatimor me ato çantat e vogla me rrip, pantallona të shkurtra, kam pas mbajtur edhe unë por nuk isha hetim tatimor, por piktor. Tani duam të bëjmë reformë atje dhe të thërrasim ekselentë dhe të bëjmë një zgjerim.
E kishim kufizuar te ata që kanë mbaruar këtë vit dhe sivjet, pro e zgjeruam në 4-5 vitet e fundit, dhe nga 375 të punësuarit, 10 ekselentë kanë ardhur nga jashtë shtetit, do të vijnë të tjerë me siguri. Unë bëmë si vendi, se kush mëson më shumë është budalla. Duhet të krijohet Akademia Fiskale” tha Rama në një takim me studentët pasditen e së mërkurës”.
Kjo ështue kulmi i poshtërsisë i këtyre banditëve të papërgjegjshëm të drejtësisë, ndërsa gjobaxhintë e Tatimeve shumë shpejt do denoncohen në SPAK me numëra telefonash, tabulate, mesazhe dhe biseda audio./Vijon…