Ministri i Jashtëm i Serbisë Ivica Daçiç nuk ndalet së luftuari kundër Kosovës dhe nuk lëshon asnjë rast që ta kthejë sipas interesit të tij.
Nga një anë mbështet idenë për ndarje të Kosovës pasi sipas tij vendet ku jetojnë serbë duhet të bashkohen me serbinë dhe vendet ku jetojnë shqiptarët të jenë me shqiptarët.
E megjithatë sot ka ndryshuar diskursin dhe po hedh baltë se heqja e roamingut ndërmjet Kosovës dhe Shqipërisë është hap i “Shqipërisë së Madhe”.
“Askush në Evropë nuk po reagon në lidhje me deklaratat dhe veprimet që po ndodhin në territorin e Shqipërisë dhe Kosovës, por edhe për heqjen e kufijve mes vendeve, këto janë misione të përbashkëta mes vendeve.” tha ai.
Natyrisht edhe vetë e di që Kosova dhe Shqipëria fatkeqësisht nuk kanë fuqi të bashkohen, por me këtë reagim përpiqet të përfitojnë në arenën ndërkombëtare siç kanë vepruar gjithmonë.
Dje, Kuvendi i Kosovës miratoi një rezolutë për heqjen e roamingut me Shqipërinë dhe një rezolutë për heqjen e kufirit. E megjithatë vështirë të realizohen duke pasur parasysh shpërfilljen që mund tu bëhet rezolutave nga qeveritë përkatëse.