Samiti i BE-Ballkani Perëndimor është mbyllur me një konferencë të përbashkët nga mediat nga kryeministri Edi Rama dhe liderët Europian Presidenti i Këshillit Europian, Charles Michel dhe Presidentja e Komisionit Europian Ursula Von der Leyen.
Liderët Europian ranë dakord për sfidat e përbashkëta që kanë vendet, duke nisur që nga lufta në Ukrainë dhe ndikimet që ka sjellë në Europë, si edhe emigracionit.
Mes përgëzimeve për organizimin që i cilësoi si mbreslënëve, Michel e cilësoi si një ngjarje historike fakti që ky samit po mbahej në Tiranë. Kjo sepse është hera e parë që ky samit po mbahet në një vend në Ballkanin Perëndimor, kjo jo rastësisht. Michel tha se ky është një mesazh që BE-ja i “ka sytë” nga Ballkani Perëndimor.
Emigracioni është një nga sfidat e mëdha që i përket të gjithëve. Presidentja e Komisionit Europian Ursula Von der Leyen vë theksin në vendet e Ballkanit Perëndimor kanë mbështetjen e BE-së.
“Për mua është e rëndësishme që të përçojmë mesazhin që edhe këtu mund të mbështeteni te. Kjo është sfidë e përbashkët dhe ta përballojmë së bashku”, tha Von der Leyen.
Pikërisht për këtë frenuar këtë fenomen, speficikisht largimin e të rinjve nga atdheu i tyre, liderët Europian kanë nënshkruar marrëveshjen e cila mundëson që universitete e vendeve të Ballkanit Perëndimor, përfshirë kështu Shqipërinë, të anëtarësohen në Aleancën e Universiteteve Europiane. Kjo është një marrëveshje e rëndësishme, pasi është hera e parë që në këtë aleancë anëtarësohen vende që nuk janë pjesë e BE-së.
Ajo mundëson që çdo student mund të studiojë në universitetet europiane, duke mos u larguar nga vendi i tij i origjinës. Një marrëveshje e tillë u cilësua nga kryeministri Edi Rama.
Ky i fundit i pyetur edhe nga gazetarët, u ndal edhe në procesin e integrimit të Shqipëris në BE, ku kësaj here nuk pati akuza në drejtim të Unionit, por tha se gjithçka varet në “detyrat e shtëpisë që duhet t’i bëjë Shqipëria’.
“Na duhet të kemi instrumentet e procesit të anëtarësimit për tu forcuar për të forcuar institucionet tona për të arritur një shtet funksional në nivelin e BE-së. Ka të bëjë me detyrat e shtëpisë dhe jo me ardhjen me vrap. Por BE po krijon mekanizma mbështetje që të na sjelli më parë pa pritur që të jemi anëtar”, tha Rama.
Në përfundim të Samitit, u publikua edhe një deklaratë e përbashkët, me 32 pikat që është rënë dakord nga
emigracioni, te arsimi, lufta në Ukrainë dhe bashkëpunimi ekonomik. (LEXO KËTU 32 pikat që u dakordësuan)