Shqipëria do të përballet sot me Italinë në një miqëosre luksi që do të zhvillohen në Air Albania në orën 20:45. Kjo supersfidë ka sjellë entuziazmin e lartë te tifozët që kanë blerë të gjitha biletat. Në Air Albania do të jenë plot 22 mijë tifozë që do të shijojnë spektaklin dhe të shohin kuqezinjtë teksa përballen me yjet italianë.
Ultrasit e kombëtarës, Tifozat Kuqezi, si zakonisht, do të garantojnë spektakël prapa portës në shkallët e stadiumit dhe në një postim në faqen e tyre, njoftojnë antarët për vendtakimin ditën e nesërme për të bërë nisjen në formë kortezhi drejt stadiumit.
“Të dashur anëtarë, Vendtakimi përpara ndeshjes Shqipëri – Itali nesër, do të jetë tek Lulishtja “Vëllezërit Frashëri” (përballë Piramidës) në krah të Bar “West”, Tiranë. Do të jemi aty që nga ora 15:00 dhe nisja për në stadium në grup do të bëhet në orën 18:30. Ju lutemi të gjithë juve që keni rezervuar biletat të paraqiteni brënda orarit për tërheqjen e tyre. Përjetësisht me ty Shqipëri!”