Prapaskena sjell detaje nga debati mes Arben Ahmetajt dhe kryeministrit Edi Rama në Kryeministri, para se Rama ta shkarkonte nga posti i zëvendëskryeministrit dhe ministrit të Shtetit për Rindërtimin, duke e zëvëndësuar me Belinda Ballukun.
Javën e tretë të muajit korrik 2022, Rama ka thirrur Arben Ahmetajn në Kryeministri, ku i ka kërkuar llogari për flirtimin me Monika Kryemadhin dhe Ilir Metën, si dhe për rolin e tij në historinë e inceneratorëve.
Rama kishte krijuar bindjen se Ahmetaj ka bashkëpunuar me Monikën, duke i dhënë dokumente për inceneratorët, sipas interesave të tij.
Njeriu që ka këmbëngulur më shumë në tradhtinë e Tigrit është Erion Braçe, por dyshime kanë shprehur edhe njerëz të tjerë pranë Ramës.
Edhe pse Rama nuk i ka përmendur emra konkretë se kush dyshonte dhe akuzonte Tigrin, ky i fundit mësohet se i ka thënë Ramës ‘mos dëgjo thashethemet e miut’, duke iu referuar Braçes.
Ahmetaj ka këmbëngulur se Rama po merrte vendime ndaj tij bazuar në thashetheme dhe jo mbi fakte konkrete. Ahmetaj është betuar disa herë në kokën e vajzave se nuk ia ka dhënë ai dosjen e inceneratorëve Monikës.
Pasi ka dëgjuar versionin e Tigrit, Rama ka deklaruar se “rrugët tona ndahen këtu’, duke shtuar se ‘ti nuk i afrohesh as tek thoi i këmbës Erion Braçes për ndeshmëri dhe moral politik’
Rama i ka kërkuar dorëheqjen, kërkesë që është refuzuar nga Tigri, duke detyruar Ramën ta shkarkonte. Në një kontekst ironik, Rama i ka thënë Ahmetajt që të shkonte tek LSI-ja, duke i dhënë një mesazh edhe për fatin e Tigrit në parti.
Rama i ka kujtuar Ahmetajt se ka humbur çdo betejë elektorale nga viti 2005 deri në vitin 2021, dhe se ka përfituar maksimalisht nga partia.
Disa javë më pas, Rama shkarkoi Ahmetaj si drejtues politik në Vlorë, duke e zëvëndësuar me Blendi Klosin.
Të gjithë këtë tërmet politik, Ahmetaj tentoi ta relativizonte, duke e paraqitur si sajesë mediatke, meqenëse sipas tij, lajmet rreth tij ta ngehin.
Me një gjuhë jo etike dhe ordinere, Tigri foli për lajme që ta ngrehin dhe që nuk ta ngrehin. Duke iu referuar mundësisë së arrestimit nga SPAK, Tigri tha se ai dhe PS ishin një, duke nënkuptuar se partia nuk do ta lëshojë.