Ish-kryetarja e Lëvizjes Socialiste për Integrim, Monika Kryemadhi shprehet kundër amnistisë fiskale, duke thënë se do të shërbejë për mbylljen e “çështjeve të evazionit fiskal”.
Në një intervistë televizive, Kryemadhi ironizoi politikanët socialistë të cilët i quajti si të përfshirë në aferën e inceneratorëve, duke thënë se “janë burra që s’e mbajnë dot burgun”.
“Këta janë burra që s’e mbajnë burgun, se ai i shkreti Lefteri e mbajti, nuk i tregoi shokët. Ata marrin para çdo ditë për mbetjet që depozitohen në Sharrë. Është makineri që lëvron para në mënyrë të përditshme. Amnistia fiskale është në një rrugë që…do të shërbejë për mbylljen e çështjeve të evazionit fiskal.
Këta kriminelë që marrin leje, ndërtojnë jo kulla, por gradaçela. Nuk mendoj se ka emigrant që sjell 2 milionë euro nga Britania. Çdo emigrant s’ka shans të ketë 100 mijë cash aty. Mund të mbajë vetëm ai që rri te shtëpia e barit”, deklaroi Kryemadhi.
Pra, mund të themi, që Ilir Meta, me të gjithë bateritë e partisë së tij, ia ka kthyer thuajse me të njëjtën monedhë Lefter Kokës, tradhtinë e kalimit nga LSI te Edi Rama! Të paktën sot, SPAK ka konfirmuar denoncimet e tyre!
“Unë e di që te inceneratorët shqetësohen të gjithë, dhe ta dëgjojnë te gjithë qytetarët e Durrësit dhe të gjithë ‘dashnorët e drejtësisë’ se mafia e inceneratoreve, anetaret e se ciles jane sot kandidate te Rilindjes ne Durrë s, po kercenojne djemte dhe vajzat e Durresit. Ne krye qendron ish ministri i LSI qe sot kandidon per Rilindjen. Keta mafioze po bejne fushate ne Durres me parate e inceneratoreve.
Doni ta dini pse vajta në Durrës para disa muajsh, sepse shtabi i inceneratorëve kërcënonte vajzat dhe djemtë e Durrësit të Lëvizjes Socialiste për Integrim. Me Lefter Koken i kam nderprere marredheniet personalisht per shkak te moralit te tij te ulet politik e njerezor, disa muaj para nderprerjes se mandateve. Anetar i mafies se inceneratoreve eshte edhe Alqi Ballko, kandidat i Rilindjes i 17 ne Tirane, i vendosur ne kete pozicion per te blere votat.”-deklaronte Meta