Lideri historik dhe ish-kryeministri Fatos Nano, festoi sot 70-vjetorin e lindjes.
Kryebashkiaku i Kavajës, Redian Krali, i cili është edhe nipi i Nanos, i ka organizuar një festë ku sigurisht që nuk mungon as bashkëshortja e tij, Xhoana. Në gosti duket se janë mbledhur të gjithë familjarët e Nanos, ndërsa vetë “djali i ditëlindjes” po feston me një gotë “gin” dhe një cigare në duar. Ndëra nipi i ka dedikuar një postim, ku i shpreh dashurinë dhe mirënjohjen.
“Mentori im! Të qofshin të shumta vitet dhe i gëzofsh me zemrën plot! Ky rrugëtim i imi nuk do të kishte qenë i njejti pa mbështetjen, bekimin dhe këshillat e tua! Kam mbledhur çdo urtësi tënden që ma ke dhuruar me shumë bujari në çdo takim a bisedë të gjatë që shkëmbejmë bashkë dhe i ruaj si pasurinë më të vyer! Shëndet e jetë të gjatë!,”-shkruan Krali.
Sot, Nanon e uroi edhe kryeministri Edi Rama, duke ndarë një foto të liderit të PS-së, me logon e vendosur pas tij. Krahas fotos, nuk mungoi edhe urimi për ditëlindje.
