Avokati Idajet Beqiri, i ftuar në në Euronews Albania, ka folur në lidhje me kallëzimin që ka bërë në SPAK për kreun e Partisë së Lirisë Ilir Meta dhe Monika Kryemadhi, për fshehje të ardhurash dhe korrupsion.
Beqiri është shprehur se ka faturat e spitalit ku Kryemadhi, Meta së bashku me tre fëmijët e tyre kanë kryer operacione plastike.
“Të tërë në këtë vend janë hajdutë. Hajduti vërtetë më shumë kapni hajdutin. Të gjithë baltosen, por në bankën e të akuzuarve nuk vete kush.
Në këtë vend kanë ndodhur krime shumë të rënda. Unë kam konstatuar, dhe kam grumbulluar prova e fakte që kanë të bëjnë me korrupsion të lartë shtetëror. Njëri prej tyre është ish-presidenti i Republikës. Dy kokat e krimit në këtë vend, ata që e kanë mbajtur peng Shqipërinë për 32 vite me radhë është Sali Berisha dhe Ilir Meta. Më rezulton se Ilir Meta, Kryemadhi dhe tre fëmijët e tyre në spitalin më të shtrenjtë, në San Marino kanë bërë operacione plastike. Në këtë spital punon dhe një mjeke shqiptare”- theksoi Beqiri.
Sipas Beqirit, Kryemadhi i ka dërguar spitalit në San Marino, faturën prej 187,650 euro.
“Në këtë spital punon dhe një mjeke shqiptare. Monika Kryemadhi është lidhur me këtë person me një bankë ofshore në Qipro. Më 4 qershor i ka dërguar spitalit faturën 187,650 euro. Kam të dhëna nga sistemi TIMS se familja Meta ka qenë atje. Kjo transfertë është pranuar nga spitali”-nënvizoi ai.