Humbja e Chelsea kundër Dinamos së Zagrebit i ka mjaftuar presidentit Todd Boehley për të marrë vendimin mbi Tuchel. Ky i fundit është shkarkuar dhe nuk do të jetë më pjesë e londinezëve. “The Sun” ka zbuluar prapaskenën për mënyrën sesi u dha ky vendim.
Trajneri mbërriti në bazën stërvitore të Cobham në mëngjesin e sotëm për të vazhduar punën normale. Por atje nuk gjeti asnjë prej lojtarëve dhe më pas u thirr për të biseduar me autoritetet e klubit.
Vetëm 10 minuta bisedë dhe aty do të njoftohej për shkarkimin. Tuchel ishte lutur për të pasur një shans të dytë, por Boehley mbylli gjithçka.