Valbona Selimllari ish –miss Shqipëria ka treguar shpeshherë se është një aktiviste e zonja dhe një shembull për t’u marrë.
Ajo herë pas herë poston foto dhe video nga aktivitet e saj dhe sot Selimllari është futur në një video “live” në Instagram ku ishte e pranishme bashkë me disa të rinj vullnetarë për të pastruar bulevardin e ri në Tiranë.
Kjo zonë mjaft e ndotur ka nevojë të mbahet pastër edhe pse nuk mungon pastrimi nga Bashkia dhe Valbona ka dhënë një mesazh gjatë kohës që rinjtë pastronin dhe ajo i filmonte.
“Kemi ardhur në bulevardin e ri, edhe pse Bashkia e pastron tre herë në ditë, kjo nuk mjafton sepse ju vini dhe i hidhni plehrat këtu. Kam një mesazh edhe për të gjithë të rinjtë që ulen në këta stola dhe hanë fara. Merrni dy qese me vete dhe mos i hidhni në tokë, bulevardi është i të gjithëve. Nuk ështe vetëm i Bonës. Uroj të kem sensibilizuar ndopak dhe herë tjetër ta gjejmë më të pastër këtë vend”-ka thënë Selimllari në videon e saj “live”.
