Mehmet Hasalami është drejtor i Drejtorisë së Programeve të Zhvillimit në Fushën e Minierave dhe Industrisë, në varësi të Ministrisë së Infrastrukturës dhe Energjisë, që drejtohet nga Belinda Balluku. Krahas funksionit publik Mehmet Hasalami merr edhe para publike me tendera përmes Institutit Dekliada, me nipt: K71606006A, ku Hasalami është pronar me 100 % të aksioneve.
Kompania ka si objekt studime, projektime, trajnime dhe konsulencë kryesisht në fushën projeteve urbanistike. Gjatë viteve të fundit, drejtori i Ballukut ka marrë mbi 100 tendera nga institucionet publike, në mënyrë të dyshimtë, me fond limit gati sa oferta fituese dhe me vlerë miliona euro.
Ditët e fundit, drejtori i Ballukut ka marrë edhe një bakshish 17 mijë USD nga drejtoresha e Përgjithshëme e Agjencisë Kombëtare të Mjedisit, Arta Dollani. Themi bakshish pasi objekti i prokurimit është për konsulencë, që do të thotë se Mehmet Hasalami nuk do të bëjë pothuajse asgjë, thjeshtë do t’i kalojnë paratë në llogari.
Tenderat për konsulencë janë qoka pasi nuk kryhet ndonjë shërbim konkret, por thjeshtë fotokopjohen disa dokumente.
Nga rreth 100 tendera, 36 tendera Mehmet Hasalami i ka marrë vetëm nga Bashkia Tiranë, me vlerë rreth 6 milionë USD, tregues i një linje të theksuar klientelizmi.
Edhe pse raportet mes Ballukut dhe Veliaj janë të ndera, Hasalami dyshohet se ka krijuar lidhje korruptive me një prej drejtorëve më të rëndësishëm të Veliaj, me të cilin dyshohet se ndan paratë e tenderave të paracaktuar.
Mehmet Hasalami shfaqet në eventet e PS-së pas kryebashkiakëve dhe drejtorëve, ndërkohë që merr miliona euro para publike, kryesisht nga drejtorët dhe kryebashkiakët e lakuar për korrupsion.
Duke u bashkuar me grabiqarin e madh të fondeve publike Lenc Gjikurinë, Hasalami fitoi në vitin 2020 edhe tenderin me vlerë 3 milionë euro nga Bashkia e Tiranës për rindërtimin e 14 objekteve arsimore në Tiranë.
Duke mos pasur kapacitete për zbatimin e një kontrate të tillë, ka dyshime të forta se tenderin e ka marrë Hasalami falë lidhjeve të tij, ndërsa ka futur Gjikurinë për zbatimin e kontratës, në këmbim të ndarjes së parave.