Ka shumë burra që mërziten nga gruaja e vetme që kanë, por legjendari Ronaldinjo na jep një shembull tjetër. Ikona e futbollit brazilian, Ronaldinjo, një nga futbollistët më të talentuar të të gjitha kohërave, mësohet nga mediat braziliane se do te martohet me dy gra në të njëjtën ditë. Kohë më parë ai ishte betuar se nuk do të martohej kurrë për shkak të dashurisë së tij për gratë.
38-vjeçari, pasi ka jetuar në mënyrë harmonike me dy nga të dashurat në shtëpinë e tij që nga dhjetori, ka ndryshuar mendje dhe tani dëshiron të martohet me Priscilla Coelho dhe Beatriz Souza në gusht të këtij viti. Ish-futbollisti gjithashtu u blen atyre dhurata të njëjta. “The Mirror” shkruan gjithashtu se Ronaldinjo udhëton me të dyja gratë në pothuajse çdo ngjarje që ai ndjek. Kjo tregon se ai dëshiron ta kalojë jetën me të dyja vajzat. Ronaldinjo del kështu kundër rrymës në shumë aspekte, duke ligjëruar lidhje që në realitet është vështirë të mbahen.