Formula 1 është një sport me adrenalinë të tepruar, por mjaft tërheqës dhe një nga sportet më të bukur e më të ndjekur, por njëherësh edhe një prej sporteve ku qarkullojnë shumë para. Në historinë e Formula 1 piloti më i suksesshëm cilësohet Mikail Shumaker, shtatë herë kampion i botës, një shifër që e ka barazuar edhe britaniku Luis Hamilton.
Por Shumaker cilësohet një pilot mjaft tërheqës dhe me më shumë ndikim tek fansat krahasuar me të gjithë të tjerët. Në vitin 2013, duke bërë ski në Alpet franceze, ai rrëzohet dhe dëmton kokën. Pas operacionit ai ra në gjendje kome dhe sipas shumë urimeve, mendohet e ai ende vijon të jetë në koma, pra nuk është zgjuar.
Por të kundërtën pretendon Zhan Todt, ish-president i federatës së automobilizmit, por edhe i skuderisë “Ferrari” gjatë kohës që Shumakeri ishte në pistë me kokëkuqen italiane. Sipas tij, Shumakeri është i ndërgjegjshëm, madje së bashku kanë mundur të ndjekin edhe gara të ndryshme të Formula 1, kuptohet nga televizori.
Kështu, ish-presidenti i Federatës Ndërkombëtare të Automobilizmit dhe i Ferrarit, Jean Todt ka dhënë informata të reja rreth gjendjes shëndetësore të mikut të tij të afërt, Mikael Shumaker. Detajet e shëndetit të shtatë herë kampionit të botës në Formula 1 janë mbajtur sekrete që nga aksidenti që e kishte pësuar në vitin 2013 në alpet franceze.
Ai e kishte pësuar një aksident teksa ishte duke skijuar dhe më pas kishte mbetur në gjendje kome për një kohë. Nga ajo kohë, familja e ka mbajtur sekrete gjendjen e ish-pilotit gjerman. Por, informata më të freskëta për Shumin ka dhënë së fundmi Zhan Todt, i cili i ka qëndruar gjithmonë afër legjendës së Formula 1, edhe pas aksidentit të tij të tmerrshëm, i cili e kishte lënë për gjashtë muaj pa ndjenja.
“Mua nuk më mungon Mikael. Unë mund ta shoh atë. Por, natyrisht, ajo që më mungon është ajo që jemi mësuar të bëjmë së bashku”, u shpreh Todt për televizionin gjerman “NTV”.Francezi madje ka dhënë lajme edhe më të mira, duke insistuar se Shumaker është në gjendje të jetë në rrjedha për sezonin aktual të Formula 1, duke konfirmuar se dyshja i shikon garat së bashku. “Po, është e vërtetë. Unë i shikoj garat bashkë me Mikael”, shtoi Todt.
Mikael Shumaker konsiderohet si njëri prej sportistëve më të mirë në histori. Pasi e mbylli karrierën e suksesshme me Ferrarin dhe Mercedesin, ai iu përkushtua pasioneve të tij, skijimit dhe lëshimit me parashutë. Por gati një dekadë më parë ai u aksidentuar dhe pasojat që pati dihen tashmë. Interesant është fakti se familjarët dhe të gjithë të njohurit e mbajnë sekret gjendjen e tij shëndetësore