Përmes kësaj deklarate, amerikanët u kanë dërguar një mesazh të fortë të korruptuarve në Shqipëri, duke ua bërë të qartë se i kanë ditët e numëruara dhe ditët në vijim priten “prerje kokash” politikanësh, ku më i rrezikuari është Sali Berisha, referuar akuzave që DASH ka ngritur ndaj tij.
“Jemi krenarë për bashkëpunimin me Strukturën e Posaçme Anti-Korrupsion. SPAK po tregon rezultate me arrestime, hetime dhe dënime për Ministra, deputetë, gjyqtarë, prokurorë, kryebashkiakë, figura të krimit të organizuar, etj. Përgëzime Kreut të SPAK Arben Kraja dhe Drejtoreshës së BKH-së Aida Hajnaj”, shkruan ambasada.
Ata janë patriotë të përkushtuar dhe plot energji të cilët do ta ndjekin krimin në çdo vend dhe do ti bëjnë shqiptarët krenarë. SHBA ka mbështetur nga afër SPAK në çdo hap të saj, nga ngritja tek rekrutimi dhe fillimi i punës. Presim me kënaqësi të takohemi sërish muajin tjetër gjatë vizitës së tyre në Uashington dhe Akademinë e FBI-së në Quantico, Virginia”, deklaron numri dy i DASH, zëvendës Ndihmës Sekretarja e Shtetit për Çështjet Ndërkombëtare të Narkotikëve dhe Zbatimit të Ligjit, Lisa Johnson.
Por kjo deklarat megjithese është mesazh inkurajimi është shumë fryrë. SPAK dhe BKH as që e kanë justifikuar besimin dhe shpresën e qytetarve. Asgjë e re në drejtësi, asnjë ndryhim, asnjë çudi ligjore, thjesht veprime rutin sipas sistemit që gjoja e hoqëm qafet. SPAK zëvëndësoi Prokurorin e Krimeve të rënda, por vazhdon të mburret me punët e asaj ish strukture.
Është anormale që t’i thurësh elozhe SPAK dhe BKH kur asnjë nga zyrtarët më të akuzuar në Shqipëri për shumë krime i dënuar së fundi dhe nga vetë SHBA, Sali Berisha, apo Ilir Meta, Monika Kryemadhi dhe shpura e ish ministrave dhe zyrtarëve ish brekëgrisur sot milioner, nuk ka shkuar para drejtësisë.
Nëse flitet për Kokën dhe Bllakon, ata janë të shitur qëllimisht nga bashkëpuntorja e tyre LSI, me Kryemadhen në krye, për të shpëtuar veten me viktimat që kanë ndarë parat dhe ia dinë njëri tjetrit të gjitha poshtërsitë.
Pra, deri tani vetëm këta frikacak që po majmim me paga stratosferike për Shqipërinë dhe me ndere e salltanete pa bërë asgjë, nuk mnd të jenë as patriot as shpëtimtarë, por “patrimut”, kur nuk arrijnë të çojnë në tavën e drejtësisë edhe një peshk të ngordhur si Sali Berisha, që vetë ju i’a keni hedhur në rrjetë. /Ekskluzive.al