Një intervistë për të mos u harruar ajo e Sali Berishës te Enka, ku ai e shfrenoi fantazinw, falë edhe statusit të ri të tij, si plaku i oxhakut të PD-së, ku patjetër duhet të tregoi përralla për qytetarë, fshatarë, dhe ushtarët e tij, nga ata që e kanë patur elektricist në strehën e tyre…ariun.
Pas përrallave që i tregoi në formën e ëndrrës, si ajo e paisjes me pasaporta shqiptare e gjithë bashkombësave, ndryshimin e kodit penal për nenin e parashkrimit, kjo për gjithë zyrtarët e dënuar, amnisti për ata që i japin pushtetin, në emër të rotacioni imagjinarë dhe natyrisht tek ëndrra deri në vdekje…nëse bëhet edhe njëherë kryeministër.
Me pak fjalë, ai nuk ndryshon, por vetëm ëndërron të jet edhe njëherë… ai që ishte dikur.
Por qershia mbi tortë e përrallave të treguar te Enka, me ca lolo që hiqen si anal-ist që i bënin fresk, kur deklaroi publikisht që kishte sfiduar Donaldin, i cili i kishte kërkuar që të merrte drejtimin e PD-së, por ai kishte refuzuar në menyrë kategorike, sepse ky është Sali Berisha, që nuk i lëpin ato që thotë, e që po ishte puna për ëndrra, nuk ka njeri në tokë që i’a kalon.
Në fakt Berisha nga humbja e kujtesës ngatërroi Donald Trump me Donald Lu siç mund ta ngatërronte dhe me Donald Veshajn, por ama ëndrra e tij ekziston pavarësisht se ishte me sy hapur. /Ekskluzive.al