Tani edhe trajneri i Kombëtares kuqezi, Edi Reja nuk ka më dyshime. Shpresat për një rikthim të mundshëm të sulmuesit Armando Broja në radhët e kuqezinjve për ndeshjet e Nations League të qershorit janë fashitur.
Burime brenda familjes kuqezi të Kombëtares bëjnë me dije se sulmuesi i talentuar rezulton pozitiv me Covid-19 dhe do të mungojë të paktën në ndeshjen me Islandën, që hap serinë e ndeshjeve të Nations League me 6 qershor.
Gjithsesi, shpresa vdes e fundit. Te kuqezinjtë mendojnë që mbase në ndeshjen ndaj Izraelit, Armando Broja, sapo të rezultojë negativ, të bashkohet me Kombëtaren. Gjithashtu mësohet se sulmuesi shqiptar ka patur shenja infektimi që pas ndeshjes së fundit me klubin e tij të Southamptonit, ku ai mungoi ndaj Leicesterit të Premier League.