Kreu i grupit parlamentar të PS-së, Taulant Balla, në një deklaratë për mediat ka paralajmëruar opozitën, se nëse nëse 4 propozimet për kandidatë për president nuk përmbushin kriteret, do të prishte marrëveshja.
Balla tha se negociatat për zgjedhjen e Kreut të Shtetit, duhet të jenë të hapura.
“Po nëse ne nuk biem dakord për asnjë nga ato 4 emrat ça ndodh? Ndaj them që ai dokument nuk pranohet i tëri, por parimi, parimi është që në të dy raundet do propozojë vetëm opozita. Unë kam thënë; formula është formula më e mirë për zgjedhjen e avokatit të Popullit. Opozita duhet të përzgjedhë kandidaturat, por jo presidentin.
Nëse sjellin 4 emra që nuk përmbushin pritshmëritë për presidentin, do prishet marrëveshja. Ndaj kemi thënë se ky proces duhet të jetë proces më i lirë, negociatat duhet të jenë të hapura. Nëse gjejmë dakordësinë për një emër, ti e propozon. Nuk mund të thuash; zgjidh një nga këto 4 ose të denoncoj për prishjen e marrëveshjes. Fryma e dokumentit ishte që opozita të ketë propozim vetëm nga opozita. Le të vijnë me të 8-ta kandidaturat.”, tha Balla.
Ai tha se askush nuk mund të shkelë Kushtetutën. Sipas tij kandidatët e propozuar nga opozita duhet të vinë vetëm me firmat e deputeteve të opozitës.
“Ju ishit prezent një ditë më parë. Unë mendoj se duhet të jetë shumë e qartë se PS, ne kemi thënë se në këtë pjesë të procesit jemi të gatshëm të negociojmë për emrat. Por unë e kam thënë disa herë që procesi të ruajë integritetin e tij, që kandidati që propozon opozita të mbështetet me firma vetëm nga opozita, unë mendoj se çdokush na mirëkupton.
Ne kemi bërë dhe kalkulimet se sa kandidatë mund të propozohen nga opozita, dhe Alibeaj e konfirmoi se ata i kanë mundësitë të propozojnë dy kandidatë. Deri të dielën kanë mundësinë të propozojnë dy kandidatura. Ne jemi të gatshëm të ulemi dhe të diskutojmë mundësinë e votimit nëse vendosim t’i mbështesim. Kushtetuta është mbi çdo lloj marrëveshjeje”, tha Balla.