Sali Berisha i ka bërë thirrje qeverisë që të nisë një përplasje diplomatike me Rusinë.
Ish kryeministri shprehet se Shqipëria duhet të dëbojë ambasadën e Moskës në Tiranë, të bllokojë hyrjet e shtetasve rusë dhe të mos japë më asnjë vizë.
Në ftesën e tij drejtuar kryeministrisë, Berisha kërkon një bllokadë totale ndaj Kremlinit si mbështetje për luftën në Ukrainë.
“Këkroj të anulohen vizat për çdo qytetar rus që do të hyjë në Shqipoëri, kërkoj largimin e ambasadorit rus nga Tirana dhe tërheqjen e ambasadorit shqiptar nga Moska. Zvogëlimin në makimum të të gjita marrëdhenieve me Rusinë. Shpreh solidaritetin tim, simpatinë time më të thellë për ukrainënën, presideit dhe popullin e saj.”, tha Berisha.
Kryetari Grupit Parlamentar i Partisë Socialiste Taulant Balla i është përgjigjur, Sali Berishës, pasi ky i fundit kërkoi që të largohet ambasadori rus nga Shqipëria dhe të tërhiqet ambasadori shqiptar në Moskë.
Balla e cilësoi kërkesën e Berishës si të pavlerë, teksa shtoi se është një politikan që i ka mbaruar koha.
“Kuvendi kishte një seancës, që ishte e qartë dhe pozicioni i Shqipërisë i shprehur nga Rama Në kemi ofruar mbështetje qoftë në aspektin e prezencës së Shqipërisë në OKB dhe si anëtare e NATO-së.
Nuk besoj se është momenti që këtu në Shqipëri politikanë të caktuar që e kanë mbyllur kapitullin të vijnë me propozime që nuk kanë asnjë vlerë. Agresioni i pajustifkueshëm rus në Ukrainë e ka bërë botën më të bashkuar kundër Rusisë.
Do ju kërkoja që të merremi me gjëra serioze dhe jo me tullumbace populsitë të një politikani që i ka mbaruar koha. Për mua nuk ekziston Berisha. Rusia një agresor kundër Ukrainës, dhe të gjitha masat janë marrë në favor të sanksioneve kundër Rusisë.
Nëse kjo do të dëmtojë agresorin, turistët ruse, do të marrim masa. Por ne nuk komentojmë dhe tu japim vlerë tullumbaceve që lëshon Sali Berisha. Në pamundësi për tu bërë relevant, Saliu mbush tullumbace dhe i lëshon”, – tha Balla.