Kilian Mbape është çështje shteti në Francë dhe këtë mund ta thuash me kuptimin e plotë të fjalës. Sulmuesi francez është në muajt e fundit të kontratës me PSG-në dhe që nga korriku është futbollist i lirë.
PSG po bën çdo gjë që është e mundur për ta bindur të qëndrojë dhe pjesë e grupit negociator tashmë është zyrtarisht edhe presidenti i vendit, Emanuel Makron.
Ky i fundit përflitej prej kohësh sie ishte në kontakt me lojtarin për ta bindur që të refuzonte ofertat nga Real Madrid dhe të qëndronte në Paris, gjë të cilën e ka pranuar sot zyrtarisht duke shpjeguar pozicionin e tij në këtë çështje,
“Nuk mund të flitet, për fat të keq, që Kilian Mbape të transferohet te Olimpik Marseja. Nëse do të ishte i gatshëm të vinte, do të luftoja që një gjë e tillë të ndodhte. Por më tha “jo” shumë shpejt (qesh).
Ndaj është më mirë që të luftosh në mënyrë që të qëndrojë në Ligën 1, pasi vazhdon të jetë një lojtar i madh”, tha Makron sot në një dalje publike.