Analisti Frrok Çupi ka folur për zhvillimet e fundit politike në vend. Teksa ka hedhur akuza ndaj Berishës Çupi tha se Berisha e ka humbur ciklin dhe fakti se rri lart e poshtë është një farsë.
Ai theksoi, se që prej ditës që Berisha është shpallur non-grata do merrte me vetë gjithë PD-në.“Berisha e ka mbyllur ciklin, fakti që rri lart e poshtë është një lloj farse, ai vetë nuk ka asnjë shpresë. Edhe sikur të fitojë Berisha 100% në Shqipëri është i humbur. Që prej ditës që Berisha është shpallur non-grata kam thënë se Berisha do merrte me vetë gjithë PD-në.
Nëse PD voton për Berishën, pjesa e Berishës është e humbur, nuk ka frymëmarrje. Lumi i Amerikës nuk kapërcehet. PD me Berishën është e humbur nuk e njeh perëndimi. Edhe nëse 100% e shqiptarëve votojnë për Berishën, i gjithë vendi mbetet i izoluar, por jo gjë nuk ndodh. Praktikisht e pamundur që Berisha të ketë një hapësirë.
Shqiptarët nuk e votojmë më Berishën. Berisha është ndarë në mënyrën më të keqe, nëse vihet në provë ai është krejtësisht i humbur. Ai nuk e kapërcen dot lumin shqiptar”, tha ai. Çupi tha gjithashtu se Rama është i vetmi kryeministër që fajin e sheh te vetja dhe se tani është një mazhorancë e guximshme që ndihet e sigurt që mund të bëjë një luftë të brendshme.“Nuk është se është e ndaluar një gjë apo jo.
Mua më intereson të shoh si risi se Rama është i vetmi kryeministër që sheh fajin edhe tek vetja, jo vetëm tek tjetri. Fakti që po shkojnë atje pa asnjë jehonë të PS dëshmon se ai është gati t’i çojë. Gjërat në shtet janë në mënyrën e makinerisë. Ne kemi një mazhorancë të guximshme.
Kemi një parti që ka më shumë se 50% e deputetëve. Ndihet aq e sigurt sa mund të bëjë dhe luftën e brendshme. Të gjithë fajtorët, të paaftët i afrohen shumë pushtetit, çdo pushtet është i mallkuar me njerëz që nuk duan të punojnë, ose të fitojnë shumë shpejt. Njerëzit me rekorde, me tendenca i afrohen pushtetit. Të mos mendojmë se pushtete janë vetëm të pastra”, tha ai.