Kan dalë detaje të reja nga terrori në një metro të New Yorkut, ku u plagosën 18 persona. Edhe pse pas dy orësh prej kur ndodhi ngjarja linja e trenave të udhëtarëve, u hap pas bllokimit të këtyre tre linjave nga më të përdorshme të trenave, D, N dhe R, policia (NYPD), FBI, dhe hetuesit e terrorismit po hetojnë ngjarjen .
Rasti me të shtëna me armë dhe shpërthim eksplozivi ka ndodhur në metron në Brooklyn të New York – ut, qytet emigrantësh, ku mendohet se jetojnë edhe një numër i madh i shqiptarëve, të cilët e përdorin subway-n, çdo ditë për të shkuar dhe anasjelltas ardhur nga punët e tyre, në Manhattan(New York City).
Sipas informacioneve paraprake deri më tani nuk ka evidentuar asnjë emër shqiptari.
Alarmi për të shtëna me armë në një stacion(36 Street) të nëndheshëm në Brooklyn NY, është dhënë nëpër një mesazhi me cicërimën “Alert” nga NYPD, sot herët në mëngjes, kur ishte dhe piku i transportit, bëhet fjalë rreth orës 8;45 AM,(14:30 me Tiranën), me orën lokale këtu, kur policia tha se ka mbërritur në stacionin “36 Street” në zonën Sunset Park.
NYPD kanë paralajmëruar banorët, që brenda mundësive të shmangin lëvizjet e panevojshme deri pasdite për në zonën ku ndodhi ngjarja, kjo të paktën në tre linja treni -D, N, R, ku thuhet gjithashtu se janë vonuar edhe ka probleme me orarin në lëvizjet në të dy drejtimet.
Megjithse videot amatore të vet udhëtarve me celular dhe fotot e televizionve e gazetave amerikaner nga vendi i ngjarjes tregojnë pasagjerë të gjakosur të shtrirë në dyshemenë e stacionit, dhe forca të mëdha policie përfshirë mjetet dhe forcat e anti terrorisimit , ende nuk dihet numri sakt i viktimave nga incidenti.
Megjithatë mediat lokale raportojnë se disa pajisje, duke përfshirë eksplozivë të pashpërthyer, janë gjetur në stacion, duke cituar burime të zbatimit të ligjit.
Deri tani tha zëdhënsi i NYPD, nga të dhënat paraprake raportojnë se 18 persona kanë mbetur të plagosur, disa pruj tyre në spital, ndërkohë, që në vendngjarje janë gjetur dhe eksplozivë.
Policia është vënë në ndjekje të një personi të veshur me rroba portokalli, të cilat përdoren nga punonjësit e ndërtimit, i pajisur dhe me kundërgaz, i cili mendohet të jetë autori i ngjarjes.
Zona ende mbetet e rrethuar nga efektivë të shumtë policie, ndërkohë që nuk bëhet ende me dije lloji i lëndës shpërthyese të gjetur në vendngjarje.
Përkohësisht, është pezulluar gjithashtu operimi i rregullt I disa trenave të metrosë nga frika se mos janë vendosur pajisje të tjera shpërthyese, ndërsa banorëve të zonës iu është kërkuar të mos dalin nga shtëpitë, në se nuk e kanë të domosdoshme.
Detaje te reja:
Njoftimet nga Shtëpia e Bardhë, thanë se Presidenti Biden është informuar mbi zhvillimet më të fundit në lidhje me të shtënat në metron e qytetit të Nju Jorkut, sot në mëngjes, tha sekretarja e shtypit e Shtëpisë së Bardhë, Jen Psaki.
“Stafi i lartë i Shtëpisë së Bardhë është në kontakt me kryetarin e bashkisë së Nju Jorkut Eric Adams dhe komisionerin e policisë Keechant Sewell,” shtoi Psaki.
Nga përditësimi lajmeve thuhet se të paktën deri tani gjashtëmbëdhjetë persona u trajtuan për lëndime, përfshirë 10 për plagë me armë zjarri, pas të shtënave në një stacion metroje në Bruklin, kështu tha Laura Kavanagh, ushtruesja e detyrës së komisioneres të FDNY, në konferencën e sotme.
“Dhjetë nga ata pacientë vuajnë nga plagët me armë zjarri në këtë moment dhe pesë janë në gjendje të qëndrueshme, por kritike,” tha Kavanagh.
Përveç plagëve me armë zjarri, plagët e personage te lenduar varionin nga thithja e tymit tek copëzat e objeteve plasëse deri tek paniku nga të shtënat, shtoi ajo.
Fatmirësisht,!“Nuk pati lëndime kërcënuese për jetën gjatë të shtënave të sotme,” tha Komisioneria e Departamentit të Policisë së Nju Jorkut, Keechant Sewell.
Kurse, Guvernatoria i Nju Jorkut Kathy Hochul, paralajmëroi njujorkezët se i armatosuri i dyshuar qëlloi disa njerëz në metro mëngjesin e së martës, dhe nuk është kapur ende, megjithëse, policia po vazhdon kërkimin e tij.
“Qetësia dhe normaliteti u prishën, u prishën brutalisht, nga një individ aq zemërftohtë dhe me zemër të shthurur, saqë ai nuk u interesua për individët – ndërsa ata thjesht po bënin jetën e tyre të përditshme. Ky individ është ende i lirë. Ky person është i rrezikshëm”, tha Hochul.
Guvernatoria u bëri thirrje banorëve të Nju Jorkut të qëndrojnë vigjilentë.
“Kjo është një situatë qe ne mendojmë se është aktive në qytetin e Nju Jorkut,” tha ajo.
Komisioneria i Departamentit të Policisë së qytetit të Nju Jorkut, Keechant Sewell tha se nuk kishte lëndime të rrezikshme për jetën gjatë të shtënave të sotme.
Sewell tha se në orën 8:24 të mëngjesit ET, ndërsa treni N me drejtim Manhattan priste të hynte në metronë e Rrugës 36, një burrë i veshur me një maskë gazi nxori një kuti nga çanta dhe e hapi në mé të vagonit.
“Treni në atë kohë filloi të mbushej me tym. Më pas ai hapi zjarr, duke goditur shumë njerëz në metro dhe në platformë,” tha ajo.
Komisioneria konfirmoi se të shtënat kanë ndodhur brenda vagonit të trenit së metrosë.
“I dyshuari ishte në vagonin e trenit. Të shtënat filluan në vagonin e trenit,” tha Sewell.
Sewell e përshkroi të dyshuarin si mashkull i zi me trup të rëndë, i veshur me një jelek të gjelbër të tipit konstruksion me një xhup gri me kapuç.
Sewell tha se nuk dihej asnjë motiv për momentin.
“Nuk e dimë motivin për momentin, por nuk përjashtojmë asgjë die aktin terrorist”, tha ajo.
Kryetari i Bashkisë së Nju Jorkut, Eric Adams, i cili ka Covid-19, është informuar për të shtënat në metronë e Bruklinit, tha zëdhënësi i tij Fabien Levy.
“Ndërsa mbledhim më shumë informacion, u kërkojmë banorëve të Nju Jorkut të qëndrojnë larg kësaj zone për sigurinë e tyre dhe në mënyrë që reaguesit e parë të mund të ndihmojnë ata në nevojë dhe të hetojnë”, shkroi Levy në Twitter.
Linja të shumta të metrosë janë pezulluar në Brooklyn për shkak të hetimit, thotë MTA. Disa linja metroje në Brooklyn dhe Manhattan po ashtu janë pezulluar ose vonuar për shkak të hetimit që po Dijon për “një incident” në një stacion metroje në Bruklin të martën në mëngjes, sipas Autoritetit Metropolitane të Transit MTA.
“Ka një ndërprerje e përshtjellim në shërbim ndodh ndërsa NYPD, po i përgjigjet incidentit në 36 St,” shkroi MTA në Twitter.
Përveçse shërbimit në linjën D/N/R në Brooklyn ka edhe disa stacione në Manhattan, me probleme me “vonesa të mëdha” në linjat B/D/F dhe N/Q/R.
Ky është personi që dyshohet të ketë vënë eksplozivin:
