Kryetari i Komanduar i PD , Enkelejd Alibeaj në një deklaratë për mediat bëri me dije se do të bëjë ankim brenda 15 ditëve, lidhur me vendimin e dhënë sot nga gjyqtari Agon Zhukri për të regjistruar si legjitim kuvendin e 11 dhjetorit.
Ai gjithashtu theksoi se vendimi është nul nuk kemi qenë palë në proces.
I pyetur nga gazetarët nëse kanë në plan të përforcojnë bravat tani, apo do të presin t’i nxjerrin me përmbarim, Alibeaj dha përgjigjen e prerë se beson tek ligji.
“Vendimi i sotëm i cili nuk është i zbardhur është një vendim ndaj të cilit në do të shtrojmë ankimin. Brenda afati 15 ditor ke të drejtë të paraqesësh ankim këtë do të bëjmë ne.
Do të paraqesim ankim. Kjo është situata e thjeshtë në aspektin juridik. Ky vendim i sotëm me çfarëdolloj përmbajtje është i ekzekutueshëm apo jo? Një vendim gjykatë bëhet i ekzekutueshëm kur nuk ankimohet.
E përsëris që për vendim e 18 dhjetorit kemi paraqitur ankim në gjykatën e Apelit dhe duhet të presim gjykatën e apelit, kur gjykata flet ne të tjerët duhet të heshtim.
Ne bëmë kërkesë për të qenë palë në proces, por nëse është vendim që prek interesat tona ka të drejtë të ankimojë dhe kjo është e pakushtëzuar nga askush”, tha Alibeaj.