Në kushtet tona një video vlen të merret parasysh kur lufton një fenomen shkatërrimtar, por jo kur stiset një rast naiv për të shkaterruar një politikë të nisur.
Shkruan Keti Bazhdari
Ka nga ata që luftojnë për paqen, që vriten për jeten, që fuqizohen për të dobtin, madje edhe që gënjejnë për të vërtetën, por kurrë dhe kurrë nuk do të ketë nga ata, që ushtrojnë zgjedhë në emër të lirisë.
Diktati ushtrohet vetëm në funksion të pushtetit personal dhe një turmë nën diktat, e ka të paevitueshëm destinacionin; gjunjëzimin. Janë mekanizma primordial të mbijetesës, që e bëjnë njeriun të reagoje e mendojë ndryshe si individ e ndryshe si turmë. Në turmë do të jetë gjithmonë i gatshëm t’i bindet autoritetit të dhunës, karekteristikë, e cila, në rastet e formave hibride të pushtetit, stimulon një kastë drejtuese perverse, që shqyhen me njëri -tjetrin si ujq.
Leximi i të vertetes herë si kosto e njerës pale, herë si meritë e palës tjetër, përveç infantilitetit, mbart me vete rrezikun e justifikimit të hakmarrjes dhe përdorimit të pushtetit si mjet personal ne dënimin e kundërshtareve dhe deformimin e drejtësisë. Kjo sjellje indukton pasiguri ndër njerëz dhe i bën ata në rastin më të keq agresiv, në rastin më të mirë të ikin.
Askush nuk ka lindur i veçantë në këtë botë, jemi të gjithë në funksion të jetëve personale, por qe me civilizimin dhe krijimin e shoqërive, ka lindur nevoja për të kontraktuar disa rregulla me njëri -tjetrin, që na ndajnë nga bota e kafshëve të egra dhe na bejnë të jetojmë në komunitet me njëfarë reciprociteti.
Disa njerëz e kanë të vështirë akoma këtë lloj përshtatje, dhe e kanë më të shprehur agresivitetin, i cili kulmon të ankthi për të siguruar pushtet, pasuri dhe seks. Të trija në funksion të një qëllimi; sigurimit të mbijeteses. Po kaq e thjeshtë dhe primitive është, sikurse kafshët, që grinden e vriten për ushqim dhe partnerë për të shtuar llojin, ashtu dhe shumica e politikanëve tanë, njerëzve me pushtet ekonomik dhe mafiozet rendin pas këtyre trejave me një ambicje mëse shtazarake.
Kjo në vende me pak zhvillim, sidomos ku dielli pengon racionalitetin, as nuk diskutohet që eshte e shprehur thuajse si në xhungel. Këtij presioni zor se i rezistojnë dot njerëzit e emancipuar dhe punëtorë, ndaj shohim këtë grup të emigroje në masë nga Shqipëria dhe me këtë ritëm rrezikojnë të ngelin vetem pleqtë, parazitet dhe “alfat” duke u zënë për flokësh…
…gjithmonë nëse një dorë e huaj, e emancipuar, që i ka hedhur pas këto probleme shekuj më parë, nuk ndërhyn në kohë. Dhe ndërhyrja e tyre ngelet shpresa e fundit. Nuk ka diplomaci e forma indirekte me kafshët e egra. Duhet venie me shpatulla për muri dhe imponim i drejtëpërdrejtë dhe nuk duhen dëgjuar fare kur ulerijnë në kor në emër të demokracise e sovranitetit. Janë gjera qe i riprodhojnë përmendesh dhe i shesin si dëngla për të intimiduar kë ua ka mësuar hilet.
Kur u djeg me të vërtetë diçka bëhen gjithë bashkë dhe shesin moral, kërkojne hala në përpeq dhe duan te relativizojne veprimet e veta prej qafirash me të atyre që po u shterngojne vidhat, por ne këte pike s’duhet meshirë dhe as duhen dëgjuar fare as ata dhe as videot e tyre të mjeranë. Në këto kushte nje video ka kuptim te merret parasysh kur lufton nje fenomen shkatërrimtar, por jo kur stiset një rast naiv për të shkaëerruar një politike të nisur. Hiç aspak s’i duhet vene veshi dhe aty do te mesojne se me hilet dhe gënjeshtrat e tyre minimumi do ta pësojnë më keq. Dhe këtë e kam vetëm për aq kohë sa duhet dhe vetëm për të huajt.