Zakonet e përditshme të Vladimir Putin do t’ju befasojnë. Cari, në fakt, zakonisht fle shumë, deri vonë në mëngjes. Sipas Ben Judah, një anëtar i lartë i Këshillit Atlantik, zbuloi se Putin nuk ngrihet nga shtrati para mesditës.
Mëngjesi i tij nis me kujdes, pasi përpara se të konsumojë ushqimin, personeli i tij e provon pasi frika për t’u vrarë nga një tradhtar i brendshëm është një nga ndjenjat që më së shumti e ndjekin atë.
Ricotta nuk mungon kurrë, së bashku me një omëletë apo qull, shoqërohet me një lëng frutash, dhe vetëm pak më vonë nga një kafe. Siç raportohet nga Il Messaggero, kjo është rutina e mëngjesit e Vladimir Putinit. Pastaj është koha që Cari rus të hidhet në pishinë.
Kujdesi për trupin e tij, për imazhin e tij , është një nga karakteristikat kryesore të Putin. Por në ujë, ku ai noton për të paktën dy orë para se të shkojë në palestër, i pëlqen të reflektojë dhe planifikojë angazhimet e tij. Ndërsa ai stërvitet, TV transmetojnë lajmet kombëtare. Kështu Putin merr informacion dhe në të njëjtën kohë planifikon ditën dhe strategjitë e tij.
Duke lënë mënjanë fazën atletike, presidenti rus më në fund shkon në zyrë. Atje ai fillon të punojë me ekipin e tij duke sjellë shënime informacioni dhe gazeta në tavolinën e tij të rëndë prej druri, pa kompjuter. Nga frika e ndonjë shkeljeje të sigurisë në internet, gjithçka bëhet në letër në dosje të kuqe. Thirrjet telefonike bëhen ekskluzivisht në linja fikse nga epoka e luftës sovjetike.
Putini është i fiksuar pas informacioneve që vijnë nga shumë vende, të gjitha të lidhura në një dosje të madhe lëkure. Ato përfshijnë një raport mbi frontin e brendshëm, çështjet ndërkombëtare dhe gjykatën.
Zakonet e të ngrënit për pjesën tjetër të ditës janë më pak të qarta, por Pravda thotë se Cari i përmbahet një diete super të shëndetshme me domate, tranguj dhe marule, dhe megjithëse ai e do mishin e deles më shumë se çdo mish tjetër, pjata e tij e preferuar është peshku. Pavarësisht se e gjithë bota i ka sytë nga ai ditët e fundit, Putin nuk heq dorë nga rutina e tij vërtet anormale.