Gazetari Brent Renaud u vra nga ushtria ruse në Ukrainë. Ai dhe kolegu i tij i cili tashmë ndodhet në spital po filmonin refugjatët duke ikur nga Irpi, kur u kapën nga të shtënat me armë zjarri në një postbllok.
Sikurse rrëfen kolegu i gazetarit të vrarë në videon mëposhtë, Renaud u qëllua në qafë dhe vdiq menjëherë ndërsa kolegu i tij u transferua në spital, raportojnë mediat e huaja.
Në një video në rrjetet sociale mund të dëgjoni versionin e gazetarit të plagosur që tregon sesi Renaud u godit nga plumbat në qafë. “Ne po filmonim refugjatët në arrati,” thotë ai.
Ministrit të Punëve të Brendshme të Ukrainës Anton Gerashchenko njoftoi se Brent Renaud vdiq në Ukrainë. Sipas Gerashchenko, shkaku i vdekjes ishin granatimet nga pushtuesit rusë.
“Pushtuesit vrasin në mënyrë cinike edhe gazetarë të mediave ndërkombëtare që po përpiqen të tregojnë të vërtetën për mizoritë e trupave ruse në Ukrainë.
Sot, një korrespondent 51-vjeçar i medias me famë botërore New York Times u qëllua në Irpin”, shkroi Gerashchenko në kanalin e tij Telegram.
🔴🔴 Two American journalist shot by Russian at Irpin bridge. One is under surgery at the main hospital in Kyiv and the other was shot at the neck. pic.twitter.com/9lihX1JJ58
— annalisa camilli (@annalisacamilli) March 13, 2022