Analisti Frrok Çupi shprehet i bindur se ish-kryeministri Sali Berisha dhe presidentin Ilir Meta janë tejet të interesuar për të çuar vendin drejt destabilitetit.
Ditët e fundit presidenti Meta dhe ish-kryeministri Berisha kanë shtura dozën e sulmeve ndaj qeverisë dhe kryedemokratit Lulzim Basha, të cilëve iu kujtojnë se i kanë ditët e numëruara.
Por për të mësuar më shumë rreth asaj që po ndodh në politikë dhe prapaskenë, gazeta bisedoi me analistin e njohur, Frrok Çupi, i cili gjatë një prononcimi zbuloi se Meta-Berisha kanë ngritur grup paramilitar me paratë e korrupsionit, për të shkaktuar kaos në Shqipëri dhe iu kundërvënë kështu sipas tij, amerikanëve.
Megjithatë, zoti Çupi shtoi se kreu i shtetit dhe ish-kryeministri s’kanë shanse që me mercenarë dhe popullin e “2 marsit” do të mundin SHBA. “Kërcënimet e Ilir Metës, janë në një vijë me kërcënimet e Sali Berishës. Meta i bazon kërcënimet pikërisht te “populli i përbashkët” me Berishën.
Ky është quajtur “popull i 2 marsit”, por për të fshehur fluksin antiamerikan që kanë krijuar dhe po e stimulojnë. Kanë shpenzuar shumë pasuri të marrë nga korrupsioni dhe kanë për të krijuar ushtrinë antiligjore dhe antiamerikane. Kjo iu nevojitet sot kur është dita më e zezë për ta”, deklaroi ai. Më tej gjatë prononcimit për gazetën “SOT”, analisti Frrok Çupi theksoi se grupi paramilitar që ka krijuar dyshja Meta-Berisha i ka hedhur themelet qysh para 22 vitesh. “A do të fitojnë?
Askush nuk beson në fitoren e tyre kundër demokracisë, kundër interesave të vendit dhe kundër Amerikës. Por ata shpresojnë dhe po punojnë që kohën ta bëjnë aleat. Këto janë ditët e fundit kur ne do të shikojmë nëse perdet e tragjedisë që kanë përgatitur Berisha dhe Meta, do të mbyllen apo do të nisin luftën hapur.
Mos harrojmë se këta kanë, përveç “popullit të 2 marsit”, edhe një ushtri paramilitari që nga viti 1996, që e mbajnë për ta përdorur për kaos dhe dhunë”, u shpreh ai.
Meta dhe Berisha synojnë destabilitet
Por i pyetur se çfarë i bën bashkë presidentin Ilir Meta dhe ish-kryeministri Sali Berisha, analisti i njohur, Frrok Çupi akuzojë këtë dyshe se janë të përfshirë në afera, krim, korrupsion dhe madje vrasje e grabitje.
Madje për të treguar se Metës dhe Berishës nuk i intereson Shqipëria dhe shqiptarët, analisti Çupi theksoi se ish-kryeministri dhe presidenti janë vegla të shërbimeve të huaja. Sipas tij, agjenturat e Lindjes kanë udhëzuar Metën dhe Berishën të destabilizojnë Ballkanin në rast lufte në Ukrainë.
“Ata kanë jetë së bashku, në korrupsion, në krim, në vrasje dhe në vjedhje që nga floriri. Kjo i ka lidhur, duan apo nuk duan, tani nuk zgjidhen dot. Se po u zgjidhen duhet të dëshmojnë krimet e njëri-tjetrit. Por vini re: Konflikti botëror rreth Ukrainës po nxjerr në pah se Berisha dhe Meta kishin “të drejtë” që po shpresonin.
Ata prisnin luftën e Ukrainës që me siguri do të përfshijë Ballkanin dhe Evropën. Agjenturat e Lindjes me të cilat janë të lidhur, i kanë inkurajuar Berishën dhe Metën për këtë ditë katastrofe. Por ata në katastrofë mund të mbijetojnë dhe t’i shpëtojnë drejtësisë.
A nuk i ke i dëgjuar kur deklarojnë se qeveria amerikane po dobësohet, se Amerika nuk është demokraci, se presin ndryshime në Amerikë?! Ndryshimi që presin këta është Lufta Botërore, që mund të jetë e afërt”, nënvizoi analisti Çupi për gazetën “SOT”.