Avokati mbrojtës i Saimir Tahirit, Maks Haxhia e ka quajtur si skandaloz vendimin e dhënë nga GJKKO ndaj ish-ministrit të Brendshëm.
“Dua të them që lidhur me këtë vendim, por ishte një vendim skandaloz. Dy gjera dihen që janë të sigurta, lindja dhe vdekja. Të tjerat nuk dihen. Nëse dënimi i Tahinit do të kënaqë dhe do të përmbushje pritshmërinë dhe të quhet i përmbushur.
Kjo gjykatë bëri atë që nuk mund të bëhej. Në thelb la po të njëjtin vendim, por ndryshoi duke hequr nenin 59.
Neni 59 nuk ka të bëjë me dënimin, por një formë e vuajtjes së dënimit. Kjo është një kënaqje e pozicionit të një pushteti gjyqësor”, tha Haxhia.
Ndërsa ndryshe mendon gazetari Qyno cili deklaron se vendimi për Tahirin u mor në dy orët e fundit para se të shpallej, ndërkohë sipas tij gjatë kësaj kohe pati telefona nga subjekte politike si PD dhe të gjithë të humburit e parajsës së krimit, që sipas tij kanë ndikuar te trupa gjykuese.
“Vendimi u mor në dy orët e fundit. Ishte një periudhë shumë e ngjeshur, pati telefonata nga subjekte politike, por edhe nga subjektet të tjera, të cilat dashur apo dashur kanë ndikuar tek anëtarët e trupit gjykues.
Dihej që do jepej një dënim, por lufta ishte për sa i përket lënies në fuqi vendimin e plotë të shkallës së parë.